ସଡ଼କ ସୁରକ୍ଷା ଅଭିଯାନ ଜନ ଆନେ୍ଦାଳନ ହେଉ
ଭୁବନେଶ୍ୱର,୧୨ା୧୨(ବୁ୍ୟରୋ): ସମସ୍ତ ସଡ଼କ ସୁରକ୍ଷା ପ୍ରୟାସକୁ ସମର୍ଥନ ମିଳିଲେ ଜନ ଆନେ୍ଦାଳନ ହେବ ଏବଂ ଖୁବ୍ଶୀଘ୍ର ଆମେ ଆମ ରାସ୍ତାକୁ ସମସ୍ତଙ୍କ ପାଇଁ ସୁରକ୍ଷିତ କରିପାରିବୁ ବୋଲି ମୁଖ୍ୟମନ୍ତ୍ରୀ ନବୀନ ପଟ୍ଟନାୟକ କହିଛନ୍ତି । ଜାତୀୟ ସଡ଼କ ସୁରକ୍ଷା କ୍ଷୁଦ୍ର ଚଳଚ୍ଚିତ୍ର ମହୋତ୍ସବ-୨୦୨୩ର ଗ୍ରାଣ୍ଡ୍ ଫିନାଲେରେ ଯୋଗଦେଇ ମୁଖ୍ୟମନ୍ତ୍ରୀ କହିଛନ୍ତି । ବାଣିଜ୍ୟ ଓ ପରିବହନ ବିଭାଗ ପକ୍ଷରୁ ଆୟୋଜିତ ଏହି କ୍ଷୁଦ୍ର ଚଳଚ୍ଚିତ୍ର ମହୋତ୍ସବର ଏହା ହେଉଛି ଦ୍ୱିତୀୟ ସଂସ୍କରଣ । ଗତବର୍ଷ କ୍ଷୁଦ୍ର ଚଳଚ୍ଚିତ୍ର ଜରିଆରେ ଲୋକଙ୍କୁ ସଚେତନ କରିବା ଉଦେ୍ଦଶ୍ୟରେ ଏହି ମହୋତ୍ସବ ଆରମ୍ଭ ହୋଇଥିଲା । ସହରର କିଟ୍ ବିଶ୍ୱବିଦ୍ୟାଳୟରେ ଗ୍ରାଣ୍ଡ ଫିନାଲେ ଆୟୋଜନ କରାଯାଇଥିଲା । ଏହି ଚଳଚ୍ଚିତ୍ର ମହୋତ୍ସବରେ ୮ଟି ରାଜ୍ୟରୁ ୭ଟି ଭାଷାରେ ୨୪୭ଟି କ୍ଷୁଦ୍ର ଚଳଚ୍ଚିତ୍ର ହୋଇଛି । ଚଳଚ୍ଚିତ୍ର ଭାବନା ସୃଷ୍ଟି କରିଥାଏ । ସେମାନେ ଆମକୁ ଅଧିକ ସମ୍ବେଦନଶୀଳ ହେବାକୁ ସାହାଯ୍ୟ କରନ୍ତି । ସିନେମା ଆମକୁ ଅନେକ ସମୟରେ ଅଣଦେଖା କରୁଥିବା ପ୍ରସଙ୍ଗ ସହ ଯୋଡ଼ିହେବାକୁ ଅନୁମତି ଦେଇଥାଏ ବୋଲି ସେ ଗୁରୁତ୍ୱାରୋପ କରିଥିଲେ । ସଡ଼କ ନିରାପତ୍ତା ଉପରେ ଏହି
କ୍ଷୁଦ୍ର ଚଳଚ୍ଚିତ୍ରଗୁଡ଼ିକ ସାମ୍ପ୍ରତିକ ସମୟର ସବୁଠାରୁ ଆହ୍ୱାନପୂର୍ଣ୍ଣ ସମସ୍ୟା ଯଥା ସଡ଼କ ସୁରକ୍ଷାର ସମାଧାନ ପାଇଁ ସମାଜକୁ ଯୋଡ଼ିବା ପାଇଁ ଏକ ଉପଯୁକ୍ତ ମାଧ୍ୟମ । ଆମ ପାଇଁ ପ୍ରତ୍ୟେକ ଜୀବନ ମୂଲ୍ୟବାନ । ସଡ଼କ ସୁରକ୍ଷା ଆମ ସରକାରଙ୍କ ପାଇଁ ଏକ ଉଚ୍ଚ ପ୍ରାଥମିକତା କ୍ଷେତ୍ର ।
About Author
