କାରାଗାର ପ୍ରତିଷ୍ଠା ଦିବସ ପାଳିତ
ପୁରୀ (ବ୍ୟୁରୋ): ଦି ମିରରଲ ଅନୁଷ୍ଠାନ ତରଫରୁ ପୁରୀ ଜିଲ୍ଲାର ବାଙ୍ଗର ଠାରେ ଥିବା ଜିଲ୍ଲା କାରାଗାର ପରିସରରେ କାରାଗାର ପ୍ରତିଷ୍ଠା ଦିବସ ପାଳିତ ହୋଇଯାଇଛି । ଅନ୍ତେବାସୀମାନଙ୍କ ନିମନ୍ତେ କଳିଙ୍ଗ କଳା ନିକେତନ ତରଫରୁ ବିଭିନ୍ନ ସାଂସ୍କୃତିକ କାର୍ଯ୍ୟକ୍ରମ ପରିବେଷଣ କରାଯାଇଥିଲା । ଏହି କାର୍ଯ୍ୟକ୍ରମରେ ମୂଖ୍ୟ ଅତିଥି ରୂପେ କାରାଗାରର ଅଧିକ୍ଷକ ସଞ୍ଜୟ ବର୍ମା ଯୋଗ ଦେଇ କହିଲେ ଭଲ ମଣିଷ ହବା । ପ୍ରତି ମଣିଷର ଭୁଲ୍ ଠିକ୍ ଅଛି କିନ୍ତୁ ଏମିତି କିଛି କାର୍ଯ୍ୟ କରନି ଯେ ନିଜ ଓ ନିଜ ପରିବାରଙ୍କର ସମ୍ମାନ ହରାଇବାକୁ ପଡିବ । ଏଠୁ ଯାଇ ନିଜ ଅଞ୍ଚଳ ରେ କିଛି ଭଲ କାମ କର ଏବଂ ନିଜ ପରିବାର କଥା ବୁଝ । ନିଜ ନିଜ ଭିତରେ ଭାଇଚାରା ସୃଷ୍ଟି କର । ଅନ୍ୟମାନଙ୍କ ମଧ୍ୟରେ କାରାଗାରର କାରାପାଳ ଅକ୍ଷୟ କୁମାର ଜେନା, କାରାମଙ୍ଗଳ ଅଧିକାରୀ ମାନସ ରଞ୍ଜନ ପୁଷ୍ପାଳକ, ସହକାରାପାଳ ମନୋଜ କୁମାର ସୁତାର ଓ ଶାରଦା ପ୍ରସନ୍ନ ରାଉତ, ମୁଖ୍ୟ କାରାରକ୍ଷୀ ବିଜୟ କୁମାର ଦାସ ଉପସ୍ଥିତ ଥିଲେ । ଦି ମିରର୍ ଅନୁଷ୍ଠାନର ସଭାପତି ସଞ୍ଜୟ କୁମାର ପ୍ରଧାନ ମଞ୍ଚ ପରିଚାଳନା କରିଥିଲେ । ଅନ୍ତେବାସୀମାନଙ୍କ ମଧ୍ୟରେ କ୍ରୀଡା ପ୍ରତିଯୋଗିତା କରାଯାଇ ବିଜେତାଙ୍କୁ ପୁରସ୍କାର ବିତରଣ କରାଯାଇଥିଲା । କଳିଙ୍ଗ କଳା ନିକେତନର କୁନି କୁନି କଳାକାରଙ୍କୁ ପ୍ରଶଂସା ପତ୍ର ଓ ଟ୍ରଫି ପ୍ରଦାମନ କରାଯାଇଥିଲା । ଉକ୍ତ କାର୍ଯ୍ୟକ୍ରମରେ ଅନୁଷ୍ଠାନର ନୃତ୍ୟ ଶିକ୍ଷକ ଜଗନ ରେଡି, ସୁଭାଷିନୀ ମହାପାତ୍ର, ଲିପ୍ସିତା, ରୋଜାଲିନି ସହଯୋଗ କରିଥିଲେ ।
About Author
