ଜଣେ ମୃତ, ଜଣେ ନିଖୋଜ
ଭାସିଗଲେ ପରିବାରର ୩ ଜଣ
ପିପିଲି (ବଲାଙ୍ଗିର),୧୪ା୯ (ଆପ୍ର): ବଲାଙ୍ଗିର ଜିଲ୍ଲା ଆଗଲପୁର ଥାନା ପିପିଲି ଗାଁର ତିନି ଜଣ ମାଛ ଧରିବାକୁ ଯାଇଥିବା ସମୟରେ ରେଢା ଚେକ୍ ଡ୍ୟାମ୍ ନିକଟରେ ଭାସିଯାଇଥିଲେ । ସେମାନଙ୍କ ମଧ୍ୟରୁ ଜଣେ ପ୍ରାଣ ହରାଇଥିବା ବେଳେ ଅନ୍ୟ ଜଣଙ୍କୁ ଉଦ୍ଧାର କରାଯାଇଛି । ଜଣେ ନିଖୋଜ ରହିଛନ୍ତି । ପୋଢ଼ ପରିବାରର ରଜନୀ ପୋଢ଼, ପ୍ରମୋଦ ପୋଢ଼ ଓ ଗୁଲେକ ପୋଢ଼ ଭରସୁଜା ନିକଟରେ ଥିବା ରେଢା ଚେକ୍ ଡ୍ୟାମ୍ ସଂଲଗ୍ନ କୁଲ†ାରୀ ନାଳରେ ମାଛ ଧରୁଥିବା ସମୟରେ ପ୍ରବଳ ବର୍ଷା ଯୋଗୁ ହଠାତ୍ ପାଣି ମାଡ଼ି ଆସି ସେମାନଙ୍କୁ ଭସାଇ ନେଇଥିଲା । ସ୍ଥାନୀୟ ଲୋକ ଏବଂ ମା’ ଛେଲିଆପାଟ୍ ସଂଗଠନର ସଦସ୍ୟମାନେ ଅବିଳମ୍ବେ ଘଟଣାସ୍ଥଳରେ ପହଞ୍ଚି ତହସିଲ୍, ଥାନା ଏବଂ ଅଗ୍ନିଶମ ବାହିନୀଙ୍କୁ ଖବର ଦେଇଥିଲେ । ଅଗ୍ନିଶମ ବାହିନୀ ରଜନୀ ପୋଢ଼ଙ୍କୁ ସୁରକ୍ଷିତ ଓ ଗୁଲେକ ପୋଢଙ୍କୁ ମୃତ
ଅବସ୍ଥାରେ ଉଦ୍ଧାର କରିଥିଲା । ନିଖୋଜ ଥିବା ପ୍ରମୋଦ ପୋଢଙ୍କୁ ଖୋଜିବା ପାଇଁ ଅଗ୍ନିଶମ ବାହିନୀର ଉଦ୍ଧାର କାର୍ଯ୍ୟ ଜାରି ରହିଛି । ଏହି ଘଟଣାକୁ ନେଇ ପିପିଲିି ଅଞ୍ଚଳରେ ଶୋକାକୁଳ ପରିବେଶ ସୃଷ୍ଟି ହୋଇଛି ।
About Author
