ଆଦିତ୍ୟ-ଏଲ୍୧ ଉଠାଇଲା ସେଲ୍ଫି
ଚନ୍ଦ୍ର ଓ ପୃଥିବୀର ବିରଳ ଫଟୋ
ବେଙ୍ଗଲୁରୁ, ୭ା୯: ଏବେ ପୃଥିବୀ ଚାରିପାଖେ ପ୍ରଦକ୍ଷିଣ କରୁଥିବା ଇସ୍ରୋର ପ୍ରଥମ ସୌର ମିଶନ ଆଦିତ୍ୟ-ଏଲ୍୧ ଗୋଟିଏ ସେଲ୍ଫି ସହିତ ପୃଥିବୀ ଏବଂ ଚନ୍ଦ୍ରର ଫଟୋ ଉଠାଇଛି । ଏହାକୁ ସେୟାର କରିଛି ଇସ୍ରୋ । ଏହି ଫଟୋ ୪ ତାରିଖ ଦିନ ଉଠାଯାଇଥିଲା । ଆଦିତ୍ୟରେ ଲାଗିଥିବା ଦୁଇଟି ଇନ୍ଷ୍ଟ୍ରୁମେଣ୍ଟ ଭିଇଏଲ୍ସି ଓ ଏସ୍ୟୁଆଇଟି ସେଲ୍ଫିରେ ସ୍ପଷ୍ଟ ଦେଖାଯାଉଛି । ସେଲ୍ଫି ପଠାଇବା ସହ ଆଦିତ୍ୟ-ଏଲ୍୧ ଜଣାଇଛି ଯେ ତା’ର ସବୁ କ୍ୟାମେରା ଠିକ୍ ରୂପେ କାମ କରୁଛି । ଆଦିତ୍ୟ ମଧ୍ୟ ଏକ ଭିଡିଓ ପ୍ରସ୍ତୁତ କରିଛି । ଆଦିତ୍ୟ-ଏଲ୍୧ ଆସନ୍ତା ୧୮ ତାରିଖ ପର୍ଯ୍ୟନ୍ତ ପୃଥିବୀ ଚାରିପାଖେ ୪ ଥର ଅର୍ବିଟ୍ ବଦଳାଇବ । ପରବର୍ତ୍ତୀ ଅର୍ବିଟ୍ ପରିବର୍ତ୍ତନ ୧୦ ତାରିଖ ରାତିରେ ହେବ ।
About Author
