୨ ନିହତ, ୨ ଆହତ
ଦୁଇ ପରିବାର ମଧ୍ୟରେ ସଂଘର୍ଷ
କବିସୂର୍ଯ୍ୟନଗର, ୪ା୯(ଆପ୍ର): ଗଞ୍ଜାମ ଜିଲ୍ଲା କବିସୂର୍ଯ୍ୟନଗର ଥାନା ଅଞ୍ଚଳରେ ପୂର୍ବ ଶତ୍ରୁତାକୁ କେନ୍ଦ୍ର କରି ଦୁଇ ପରିବାର ମଧ୍ୟରେ ସଂଘର୍ଷ ଘଟି ଦୁଇ ଜଣଙ୍କ ମୃତୁ୍ୟ ଘଟିଛି ଓ ଆଉ ୨ ଜଣ ଆହତ ହୋଇଛନ୍ତି । ମୃତୁ୍ୟ ଖବର ପ୍ରଚାରିତ ହେବା ପରେ ଗାଁରେ ଉତ୍ତେଜନା ପ୍ରକାଶ ପାଇବାରୁ ସ୍ଥିତି ନିୟନ୍ତ୍ରଣ ଲାଗି ପୁଲିସ ମୁତୟନ କରାଯାଇଛି ।
ସୂଚନା ଅନୁଯାୟୀ, ସାନ ପଙ୍କଳବାଡ଼ି ଗାଁରେ ସୋମବାର ସନ୍ଧ୍ୟାରେ ପରିବାର ମଧ୍ୟରେ ସଂଘର୍ଷ ଘଟିଥିଲା । ଗଣ୍ଡଗୋଳରେ ଆହତ ୪ ଜଣଙ୍କୁ ଗୁରୁତର ଅବସ୍ଥାରେ କବିସୂର୍ଯ୍ୟନଗର ଡାକ୍ତରଖାନାରେ ଭର୍ତ୍ତି କରାଯାଇଥିଲା । ସେଠାରେ ପ୍ରାଥମିକ ଚିକିତ୍ସା ପରେ ଦୁଇଜଣଙ୍କୁ ସଙ୍କଟାପନ୍ନ ଅବସ୍ଥାରେ ବ୍ରହ୍ମପୁରସ୍ଥିତ ଏମ୍କେସିଜି ମେଡିକାଲ କଲେଜ ଓ ହସ୍ପିଟାଲରେ ଭର୍ତ୍ତି କରାଯାଇଥିଲା । ଚିକିତ୍ସାଧୀନ ଅବସ୍ଥାରେ ମିଥୁନ ଭୂୟାଁ ଓ ଲିପୁନ ସ୍ୱାଇଁଙ୍କ ମୃତୁ୍ୟ ଘଟି ଥିବା ଖବର ମିଳିଛି । କବିସୂର୍ଯ୍ୟନଗର ପୁଲିସ ଦୁଇ ଜଣଙ୍କୁ ଅଟକ ରଖି ତଦନ୍ତ ଚଳାଇଛି ।
About Author
