ଜଳିଗଲେ ୧୬ ବସ୍ ଯାତ୍ରୀ
ଇସ୍ଲାମାବାଦ, ୨୦ ।୮: ପାକିସ୍ତାନର ପଞ୍ଜାବ ପ୍ରଦେଶରେ ରବିବାର ଭୟାବହ ସଡ଼କ ଦୁର୍ଘଟଣାରେ ୧୬ ଜଣ ବସ୍ ଯାତ୍ରୀ ଜିଅନ୍ତା ଜଳିଯାଇଛନ୍ତି ଏବଂ ଅନ୍ୟ ୧୪ ଯାତ୍ରୀ ଗୁରୁତର ଭାବେ ଆହତ ହୋଇଛନ୍ତି ।
ପିଣ୍ଡି ଭଟିୟାନ୍ ନିକଟ ଫୈସଲାବାଦ ସଡ଼କରେ ଏହି ଦୁର୍ଘଟଣା ଘଟିଛି । ୪୦ ଯାତ୍ରୀ ଥିବା ଏକ ବସ୍ ଆଗରେ ଯାଉଥିବା ଗୋଟିଏ ପିକ୍ ଅପ୍କୁ ଧକ୍କା ଦେଇଥିଲା । ପିକ୍ଅପ୍ରେ ଡିଜେଲ୍ ଡ୍ରମ୍ ଥିବାରୁ ଧକ୍କା ହେବା ମାତ୍ରେ ନିଅାଁ ଲାଗିଯାଇଥିଲା । ନିଅାଁ ଏତେ ଭୀଷଣ ଥିଲା ଯେ, ଯାତ୍ରୀମାନେ ବସ୍ରୁ ଓହ୍ଲାଇବାକୁ ସମୟ ପାଇ ନ ଥିଲେ । ନିଅାଁ ଲିଭାଇବା ବେଳକୁ ୧୬ ଜଣ ସଂପୂର୍ଣ୍ଣ ଜଳିଯାଇଥିଲେ । ଦୁର୍ଘଟଣା ଭୋର୍ ପ୍ରାୟ ୪ଟା ବେଳେ ଘଟିଥିଲା । ସ୍ଥାନୀୟ ଲୋକେ ବସ୍ର ଡୋର୍ ଭାଙ୍ଗି ଅର୍ଦ୍ଧଦଗ୍ଧ ଯାତ୍ରୀମାନଙ୍କୁ ଉଦ୍ଧାର କରିଥିଲେ ।
About Author
