୫ ଶହ ବିମାନ କିଣିବ
ଇଣ୍ଡିଗୋର ମେଗା ଡିଲ୍
ପ୍ୟାରିସ୍ (ଏଜେନ୍ସି): ପ୍ୟାରିସ୍ ଏୟାର ସୋ’ ଆରମ୍ଭର ପ୍ରଥମ ଦିନରେ ଇଣ୍ଡିଗୋ ବିମାନ କମ୍ପାନୀ ୫ଶହ ବିମାନ କିଣିବା ଲାଗି ଅର୍ଡର ଦେଇଛି । ୟୁରୋପର ଏୟାରବସ୍ ଓ ଇଣ୍ଡିଗୋ କମ୍ପାନୀ ମଧ୍ୟରେ ଚୁକ୍ତି ସ୍ୱାକ୍ଷରି ହୋଇଛି । ଏହା ଏପର୍ଯ୍ୟନ୍ତ ହୋଇଥିବା ସବୁଠୁ ବୃହତ ବିମାନ କ୍ରୟ ଡିଲ୍ ବୋଲି ଉଭୟ ସଂସ୍ଥା ପକ୍ଷରୁ କୁହାଯାଇଛି । ସୋମବାର ଇଣ୍ଡିଗୋ ପ୍ରମୋଟର ତଥା ନିଦେ୍ର୍ଦଶକ ରାହୁଲ ଭାଟିଆ, ଅଧ୍ୟକ୍ଷ ଡ. ଭେଙ୍କଟରମଣି ସୁମନ୍ତ୍ରାଣ ଏବଂ ଏୟାରବସ୍ ମୁଖ୍ୟ ବାଣିଜି୍ୟକ ଅଧିକାରୀ କ୍ରିଶ୍ଚିୟନ ଶେରରଙ୍କ ମଧ୍ୟରେ ଚୁକ୍ତି ହୋଇଛି । ୨୦୩୦ରୁ ୨୦୩୫ ମଧ୍ୟରେ ବିମାନଗୁଡ଼ିକ ମିଳିବ । ଏହାଦ୍ୱାରା ଇଣ୍ଡିଗୋର ବରାଦ କରିଥିବା ବିମାନ ସଂଖ୍ୟା ୧୩୩୦ ହେବ । ସୂଚନାଯୋଗ୍ୟ ପୂର୍ବରୁ ଟାଟା ଅଧୀନ ଏୟାର ଇଣ୍ଡିଆ ୪୭୦ ଏୟାରବସ୍ ଓ ବୋଇଂ କିଣିବା ଲାଗି ଅର୍ଡର ଦେଇଥିଲା ।
About Author
