ଘାଟି ରାସ୍ତାରେ ବାଇକ୍ ଦୁର୍ଘଟଣା
୩ ସାଙ୍ଗ ମୃତ
କେନ୍ଦୁଝର (ଆପ୍ର): ଆଗପଛ ହୋଇ ଦୁଇଟି ବାଇଇରେ ଯାଉଥିଲେ ୫ ସାଙ୍ଗ । ଘାଟି ରାସ୍ତାରେ ପିଟାପିଟ୍ ହୋଇଗଲେ । ଫଳରେ ଘଟଣା ସ୍ଥଳରେ ୩ ଜଣଙ୍କ ମୃତୁ୍ୟ ହୋଇଥିବା ବେଳେ ୨ ଜଣ ଗୁରୁତର ହୋଇଛନ୍ତି । ଗୁରୁବାର ସନ୍ଧ୍ୟା ସମୟରେ ଏପରି ମର୍ମନ୍ତୁଦ ସଡ଼କ ଦୁର୍ଘଟଣା କେନ୍ଦୁଝର ଜିଲ୍ଲାରେ ଘଟିଛି । ମିଳିଥିବା ସୂଚନା ଅନୁସାରେ, ଶାଳଚୁଆ ଗାଁର ଗଜେନ୍ଦ୍ର ନାୟକ, ବିବିତ ନାୟକ, ଶୁଭ ନାୟକ ଓ ଅନ୍ୟ ଦୁଇ ଜଣ ସାଙ୍ଗ ଦୁଇଟି ବାଇକରେ ଆନନ୍ଦପୁର ବ୍ଲକ୍ ବିରିିହି ଅଞ୍ଚଳକୁ ବୁଲିବାକୁ ଯାଇଥିଲେ । ସେଠାରେ ବୁଲାବୁଲି ସାରି ସନ୍ଧ୍ୟା ପ୍ରାୟ ୭ଟା ବେଳେ ଘରକୁ ଫେରୁଥିଲେ । ତେବେ ଶାଳଚୁଆ ଘାଟିରେ ଦୁଇ ବାଇକ୍ ପଛକୁ ପଛ ପିଟି ହୋଇଯାଇଥିଲେ । ଫଳରେ ଘଟଣା ସ୍ଥଳରେ ଗଜେନ୍ଦ୍ର ନାୟକ, ବିବିତ ନାୟକ ଓ ଶୁଭ ନାୟକଙ୍କ ମୃତୁ୍ୟ ଘଟିଥିଲା । ଅନ୍ୟ ଜଣେ ଗୁରୁତର ଆହତ ହୋଇ ରାସ୍ତାରେ ପଡ଼ିଥିଲେ । ସ୍ଥାନୀୟ ଲୋକେ ଓ ଉଦ୍ଧାରକାରୀ ଦଳ ଗୁରୁତର ଆହତଙ୍କୁ ଉଦ୍ଧାର କରି ସ୍ଥାନୀୟ ମେଡିକାଲେରେ ଭର୍ତ୍ତି କରିଥିଲେ । ସେଠାରେ ସେମାନଙ୍କ ସ୍ୱାସ୍ଥ୍ୟ ଅବସ୍ଥା ଗୁରୁତର ହେବାରୁ କଟକ ବଡ଼ ମେଡିକାଲ୍କୁ ସ୍ଥାନାନ୍ତରିତ କରାଯାଇଛି । ସେମାନଙ୍କ ସ୍ୱାସ୍ଥ୍ୟ ଅବସ୍ଥା ଉଦ୍ୱେଗଜନକ ଥିବା ଜଣାପଡ଼ିଛି ।
About Author
