ଫାଇନାଲ୍ରେ ଭାରତ
ହିରୋ ଇଣ୍ଟର୍କଣ୍ଟିନେଣ୍ଟାଲ୍ କପ୍ ୨ଠ୨୩
ଭୁବନେଶ୍ୱର, ୧୨ା୬ (ବୁ୍ୟରୋ): ସ୍ଥାନୀୟ କଳିଙ୍ଗ ଷ୍ଟାଡିୟମ୍ରେ ଚାଲିଥିବା ହିରୋ ଇଣ୍ଟର୍କଣ୍ଟିନେଣ୍ଟାଲ୍ କପ୍ ୨୦୨୩ରେ ଭାରତ କ୍ରମାଗତ ଦ୍ୱିତୀୟ ବିଜୟ ହାସଲ କରିଛି । ଆୟୋଜକ ଟିମ୍ ସୋମବାର ଭାନୁଆଟୁକୁ ୧-୦ ଗୋଲ୍ରେ ମାତ୍ ଦେଇଛି । ଭାରତର ଅଧିନାୟକ ସୁନୀଲ ଛେତ୍ରୀ ହିରୋ ଅଫ୍ ଦ ମ୍ୟାଚ୍ ବିବେଚିତ ହୋଇଛନ୍ତି । ଫଳରେ ଭାରତ ଫାଇନାଲ୍ରେ ପ୍ରବେଶ କରିଛି । ଏହାପରେ ଭାରତ ନିଜ ଶେଷ ମ୍ୟାଚ୍ରେ ଲେବାନନ୍କୁ ଭେଟିବ ।
ଭାରତ ଏହା ପୂର୍ବରୁ ମଙ୍ଗୋଲିଆକୁ ୨-୦ରେ ହରାଇ ଅଭିଯାନ ଆରମ୍ଭ କରିଥିଲା । ଭାରତ ଓ ଭାନୁଆଟୁ ମଧ୍ୟରେ ଖେଳାଯାଇଥିବା ସୋମବାରର ଦ୍ୱିତୀୟ ମ୍ୟାଚ୍ ସଂଘର୍ଷପୂର୍ଣ୍ଣ ହୋଇଥିଲା । ଶେଷ ଯାଏଁ ମ୍ୟାଚ୍ରେ ରୋମାଞ୍ଚ ଭରି ରହିଥିଲା ।
ପ୍ରଥମାର୍ଦ୍ଧରେ ଉଭୟ ଟିମ୍ର କୌଶଳ ଓ ପ୍ରତିବଦ୍ଧତାର ପ୍ରଦର୍ଶନ ଦେଖିବାକୁ ମିଳିଥିଲା । ବିଶେଷକରି ଭାରତର ସନେ୍ଦଶ ଝିଙ୍ଗାନଙ୍କ ରକ୍ଷଣାତ୍ମକ କୌଶଳ ଯୋଗୁଁ ପ୍ରତିପକ୍ଷ କେତେକ ସୁଯୋଗ ହାତଛଡ଼ା ହୋଇଥିଲା । ମଧ୍ୟାନ୍ତର ସୁଦ୍ଧା କୌଣସି ଗୋଲ୍ ହୋଇ ନ ଥିଲା ।
ଦ୍ୱିତୀୟାର୍ଦ୍ଧରେ ୮୦ତମ ମିନିଟ୍ରେ ଛେତ୍ରୀ ଡେଡ୍ଲକ୍ ଭାଙ୍ଗିଥିଲେ । ଏହି ଗୋଲ୍ହିଁ ନିର୍ଣ୍ଣାୟକ ସାବ୍ୟସ୍ତ ହୋଇଥିଲା । ଶେଷ ଯାଏଁ ଭାନୁଆଟୁ ଗୋଲ୍ ପରିଶୋଧ କରିପାରି ନ ଥିଲା ।
ଏହାପୂର୍ବରୁ ଦିନର ପ୍ରଥମ ମ୍ୟାଚ୍ ମଙ୍ଗୋଲିଆ ଓ ଲେବାନନ୍ ମଧ୍ୟରେ ଖେଳାଯାଇଥିଲା । ଏହି ମ୍ୟାଚ୍ ଗୋଲ୍ଶୂନ୍ୟ ଡ୍ର’ରେ ଶେଷ ହୋଇଥିଲା ।
About Author
