ପୋଲ ଭୁଶୁଡ଼ି ନାବାଳିକା ମୃତ
କଟକ, ୩୦/୫ (ବୁ୍ୟରୋ) ଆଜି ଅପରାହ୍ନରେ କେଶରପୁର ନିକଟ ପୋଲ ଭୁଷୁଡି ପଡିବାରୁ ଜଣେ ସ୍ଥାନୀୟ ଅଂଚଳର ନାବଳିକାର ମୃତୁ୍ୟ ଘଟିଛି । ମୃତକ ନାବାଳିକା ଜଣକ ମୋହିନି ଦାସ । ପ୍ରକାଶ ଯେ, ବକ୍ସ ଡ୍ରେନ୍ ଉପରେ ଯାଇଥିବା ପୁରୁଣା ଲୁହା ପୋଲଟି ଆଜି ହଠାତ୍ ଭୁଷୁଡି ପଡିବାରୁ ଏଭଳି ଅଭାବନୀୟ ପରିସ୍ଥିତି ସୃଷ୍ଟି ହୋଇଥିଲା । ନାବାଳିକା ଜଣକ ସେହି ପାଖ ଦେଇ ଯାଉଥିବା ବେଳେ ଲୁହା ପୋଲଟି ହଠାତ୍ ଭୁଷୁଡି ପଡିବାରୁ ନାବାଳିକା ପୋଲ କଡରେ ଥିବା ଲୁହା ପାଇପ୍ରେ ଚାପି ହୋଇଯାଇଥିଲା । ତେବେ ଦୀର୍ଘ ୪୫ ମିନିଟ ପର୍ଯ୍ୟନ୍ତ ଝିଅଟି ଚାପି ହୋଇ ରହିଥିବା ବେଳେ ଏକ କ୍ରେନ ଯୋଗେ ପାଇପ ତଡାଯିବା ପରେ ତାକୁ ଉଦ୍ଧାର କରାଯାଇଥିଲା । ଗୁରୁତର ଭାବେ ଆହତ ନାବଳିକାଟିକୁ ଚିକିସôା ନିମନ୍ତେ ଏସସିବିକୁ ପଠାଯାଇଥିବା ବେଳେ ଡାକ୍ତର ତାକୁ ମୃତ ଘୋଷଣା କିଥିଲେ । ପ୍ରଶାସନର ଚରମ ଅବହେଳା ଯୋଗୁଁ ଏଭଳି ଅଭାବନୀୟ ଘଟଣା ଘଟିଥିବା ନେଇ ସ୍ଥାନୀୟ ଅଂଚଳବାସୀ ଅଭିଯୋଗ କରିଥିବା ବେଳେ ସ୍ଥାନୀୟ ଅଂଚଳରେ ତୀବ୍ର ଉତ୍ତେଜନା ସୃଷ୍ଟି ହୋଇଛି । କଟକରେ ବିକାଶମୂଳକ କାର୍ଯ୍ୟ ଆଗେଇ ଚାଲିଥିଲା ବେଳେ ପୂର୍ବରୁ ଜାଇକା ପକ୍ଷରୁ ଖୋଳାଯାଇଥିବା ଗର୍ତ୍ତରେ ପଡି ବହୁ ଧନଜନ ହାନୀ ହୋଇଥିବାର ନଜିର ଥିବା ବେଳେ ଏବେ ତାଳଦଣ୍ଡା ଓ ବକ୍ସ ଡ୍ରେନ ତିଆରି ବେଳେ ବିଭାଗୀୟ ଅଧିକାରୀ ଓ ଠିକା ସଂସ୍ଥାର ବେ‘ିକର କାର୍ଯ୍ୟ ପାଇଁ ଲୋକେ ନାହିଁନଥିବା ଅସୁବିଧାରେ ପଡୁଥିବା ଦେଖିବାକୁ ମିଳୁଛି । ମୃତକ ଝିଅଟିର ପରିବାରକୁ ଉପଯୁକ୍ତ କ୍ଷତିପୂରଣ ପ୍ରଦାନ କରାଯିବାକୁ ସ୍ଥାନୀୟ ଲୋକେ ଦାବି କରିଥିବା ବେଳେ ଏହି ଅଘଟଣ ପାଇଁ ପ୍ରଶାସନକୁ ସଂପୂର୍ଣ୍ଣ ଦାୟୀ କରାଯାଇଛି । ସୂଚନାଯୋଗ୍ୟ ଯେ, ଗତକାଲି ତାଳଦଣ୍ଡା କେନାଲରେ କାର ଗଳିପଡି ସାର୍ତ୍ତୋଳର ଜ୍ଞାନରଂଜନ ଜେନା ନାମକ ଜଣେ ବ୍ୟକ୍ତିଙ୍କର ମୃତୁ୍ୟ ହୋଇଥିଲା ବେଳେ ତାଙ୍କ ପନôୀ ରଂଜନା ଜେନା ଗୁରୁତର ଆହତ ହୋଇ ଏସସିବିରେ ଚିକିସôାଧୀନ ଅଛନ୍ତି ।
About Author
