ଆଇପିଏଲ୍ ଫାଇନାଲ୍ରେ ବର୍ଷା ବାଧକ
ଅହମଦାବାଦ, ୨୮ା୫ (ଏଜେନ୍ସି): ଇଣ୍ଡିଆନ୍ ପ୍ରିମିଅର୍ ଲିଗ୍ (ଆଇପିଏଲ୍) ୨୦୨୩ର ଫାଇନାଲ୍ ମ୍ୟାଚ୍ରେ ବର୍ଷା ବାଧକ ସାଜିଛି । ଡିଫେଣ୍ଡିଂ ଚାମ୍ପିଅନ୍ ଗୁଜରାଟ ଟାଇଟନ୍ସ ଓ ଚାରି ଥର ଚାମ୍ପିଅନ୍ ଚେନ୍ନାଇ ସୁପର୍ କିଙ୍ଗ୍ସ ମଧ୍ୟରେ ସନ୍ଧ୍ୟା ୭ଟା ୩୦ରେ ମ୍ୟାଚ୍ ଆରମ୍ଭ ହୋଇଥା’ନ୍ତା । କିନ୍ତୁ ଏହାର ଠିକ୍ ଘଣ୍ଟାଏ ପୂର୍ବରୁ ଅହମଦାବାଦରେ ବର୍ଷା ଆରମ୍ଭ ହୋଇଯାଇଥିଲା । ଏହା ଫଳରେ ଟସ୍ ପଡ଼ିବାରେ ବିଳମ୍ବ ହୋଇଥିଲା । ରିପୋର୍ଟ ଲେଖା ଶେଷ ହେବା ସୁଦ୍ଧା ବର୍ଷା ଛାଡ଼ି ନ ଥିଲା । ସ୍ଥିତି ଅନୁକୂଳ ହେବା ସ୍ଥଳେ ମ୍ୟାଚ୍ ପାଞ୍ଚ ଓଭର୍ ବିଶିଷ୍ଟ ହେବ । ଯଦି ଏହା ସମ୍ଭବ ନ ହୁଏ, ୨୯ ତାରିଖ ରିଜର୍ଭ ଡେ’ରେ ମ୍ୟାଚ୍ ଖେଳାଯିବ । ପାଞ୍ଚ ଓଭର୍ ମ୍ୟାଚ୍ର କଟ୍ଅଫ୍ ଟାଇମ୍ ୧୨ଟା ୬ ରଖାଯାଇଥିଲା ।
About Author
