‘ଉଦୟ’ ହେଲା ଅସ୍ତ
କୁନୋ ପାର୍କରେ ଆଉ ଏକ ଚିତାର ମୃତୁ୍ୟ
ଭୋପାଳ, ୨୩ା୪: ମଧ୍ୟପ୍ରଦେଶର କୁନୋ ନ୍ୟାସ୍ନାଲ୍ ପାର୍କରେ ରବିବାର ଆଉ ଏକ ଚିତା ବାଘର ମୃତୁ୍ୟ ହୋଇଛି । ଦକ୍ଷିଣ ଆଫ୍ରିକାରୁ ଆସିଥିବା ‘ଉଦୟ’ ନାମକ ଏହି ଚିତା କିଛିଦିନ ହେଲା ଅସୁସ୍ଥ ଥିଲା । ରବିବାର ୧୧ଟା ବେଳେ ତାକୁ ବେହୋସ କରି ଚିକିତ୍ସା ପରେ ଆଇସୋଲେସନ୍ ୱାର୍ଡରେ ରଖାଯାଇଥିଲା । କିନ୍ତୁ ଅପରାହ୍ଣ ୪ଟା ବେଳେ ତା’ର ମୃତୁ୍ୟ ହେଲା । ମୃତୁ୍ୟର କାରଣ ଜଣାପଡିନାହିଁ । ଗତବର୍ଷ ନାମିବ୍ୟା ଓ ଦକ୍ଷିଣ ଆଫ୍ରିକାରୁ କୁନୋ ପାର୍କକୁ ୨୦ ଚିତା ଅଣାଯାଇଥିଲା । ପୂର୍ବରୁ ଗୋଟିଏ ଚିତା ମରିଥିଲା । ଏବେ ପାର୍କରେ ସେମାନଙ୍କ ସଂଖ୍ୟା ୧୮କୁ କମିଯାଇଛି ।
About Author
