ସିଜନ୍ର ସବୁଠୁ ବଡ଼ ସ୍କୋର କଲା ଚେନ୍ନାଇ
କୋଲକାତା, ୨୩ା୪ (ଏଜେନ୍ସି): ତିନି ବ୍ୟାଟର୍ଙ୍କ ଅର୍ଦ୍ଧଶତକ ସହାୟତାରେ ଚେନ୍ନାଇ ସୁପର୍ କିଙ୍ଗ୍ସ ରବିବାର ଚଳିତ ଆଇପିଏଲ୍ ସିଜନ୍ର ସବୁଠାରୁ ବଡ଼ ସ୍କୋର୍ ଛିଡ଼ା କରି କୋଲକାତା ନାଇଟ୍ ରାଇଡର୍ସକୁ ୨୩୬ ରନ୍ର ବିଜୟ ଲକ୍ଷ୍ୟ ଦେଇଛି । ରିପୋର୍ଟ ଲେଖା ଶେଷ ହେବା ବେଳକୁ କୋଲକାତା ଟିମ୍ ୧୬ ଓଭର୍ରେ ୫ ୱିକେଟ୍ ହରାଇ ୧୫୬ ରନ୍ ସଂଗ୍ରହ କରିଛି । ରିଙ୍କୁ ସିଂହ ୩୧ ଓ ଆନେ୍ଦ୍ର ରସେଲ୍ ୯ ରନ୍ କରି ଅପରାଜିତ ଥିଲେ । ଜାସନ ରୟ ୨୬ ବଲ୍ରୁ ୬୧ ରନ୍ର ଇନିଂସ୍ ଖେଳିଥିଲେ ।
ପ୍ରଥମେ ବ୍ୟାଟିଂ ଆମନ୍ତ୍ରଣ ପାଇଥିବା ଚେନ୍ନାଇ ଟିମ୍ ଧାର୍ଯ୍ୟ ୨୦ ଓଭର୍ରେ ୪ ୱିକେଟ୍ ହରାଇ ୨୩୫ ରନ୍ ସଂଗ୍ରହ କରିଥିଲା । ଟିମ୍ ପକ୍ଷରୁ ଅଜିଙ୍କ୍ୟ ରାହାଣେ ୨୯ ବଲ୍ରୁ ଅପରାଜିତ ୭୧ (୬ ଚୌକା ଓ ୫ ଚୌକା ସହାୟତାରେ), ଡେଭନ୍ କନୱେ ୪୦ ବଲ୍ରୁ ୫୬, ଶିବମ୍ ଦୁବେ ୨୧ ବଲ୍ରୁ ୫୦, ଋତୁରାଜ ଗାଏକୱାଡ଼ ୨୦ ବଲ୍ରୁ ୩୫, ରବୀନ୍ଦ୍ର ଜାଡ଼େଜା ୧୮ ଓ ମହେନ୍ଦ୍ର ସିଂହ ଧୋନି ଅପରାଜିତ ୨ ରନ୍ କରିଥିଲେ । ଋତୁରାଜ ଗାଏକୱାଡ଼ ଓ ଡେଭନ୍ କନୱେଙ୍କ ଯୋଡ଼ି ଓପନିଂ ୱିକେଟ୍ ପାଇଁ ୪୫ ବଲ୍ରୁ ୭୩ ରନ୍ର ଭାଗୀଦାରୀ କରିଥିଲେ । ବିପକ୍ଷ ବୋଲର୍ କୁଲବନ୍ତ ଖେଜରୋଲିୟା ୨ ୱିକେଟ୍ ନେଇଥିଲେ ।
About Author
