ବାପ-ପୁଅଙ୍କ ଉପରେ ଚଢ଼ିଗଲା ଟ୍ରକ୍
ଅନୁଗୋଳ,୨୨ ।୪ (ଆପ୍ର): ତାଳଚେର ସହର ନିକଟ ବାଙ୍କଧରା ରେଳଲାଇନ ଉପରେ ଶନିବାର ଅପରାହ୍ନରେ ମର୍ମନ୍ତୁଦ ସଡ଼କ ଘଟିଛି । ଟ୍ରକ୍ ଓ ବାଇକ୍ ମୁହାଁମୁହିଁ ଧକ୍କାରେ ଗୋଟିଏ ପରିବାରର ୨ଜଣଙ୍କ ମୃତୁ୍ୟ ହୋଇଛି । ମୃତକ ହେଲେ ତାଳଚେର ଥାନା ଅନ୍ତର୍ଗତ ଗୋଡ଼ିବନ୍ଧ ନିକଟରେ ରହୁଥିବା ଆରସିଫ୍ (୩୫) ଓ ପୁଅ ଏମଡ଼ି ଆସିବର (୪) । ଏଥିସହ ଭଣଜା ଏମଡି କ୍ଷିରୋଦ ଲାଲ (୧୨) ଗୁୂରୁତର ଆହତ ହୋଇ ଚିକିତ୍ସିତ ହେଉଛନ୍ତି ।
ପ୍ରକାଶଥାଉ କି, ଓଆର ୧୪ ଏ ୫୭୭୪ ବାଇକ୍ରେ ବାପା, ପୁଅ ଓ ଭଣଜା ଇଦ୍ ପର୍ବ ପାଇଁ ତାଳଚେରରୁ ଆସି ମାର୍କେଟିଂ କରି ଘରକୁ ଫେରୁଥିଲେ । ଏହି ସମୟରେ ତାଳଚେର ପଟରୁ ଆସୁଥିବାଓଡି ୧୯ଜି ୬୯୬୩ ନମ୍ବର କୋଇଲା ଟ୍ରକ ସେମାନଙ୍କ ସହ ୧୪୯ ନମ୍ବର ଜାତୀୟ ରାଜପଥର ବାଙ୍କଧରା ରେଲୱେ ଲାଇନ ଉପରେ ମୁହାଁମହୁିଁ ଧକ୍କା ହୋଇଥିଲା । ଘଟଣାସ୍ଥଳରେ ଟ୍ରକ୍ ଚାପାରେ ବାପା ପୁଅଙ୍କର ମୃତୁ୍ୟ ହୋଇଥିଲା ବେଳେ ଭଣଜା ଗୁୂରୁତର ହୋଇପଡ଼ିଥିଲେ । ସ୍ଥାନୀୟ ଲୋକେ ଭଣଜାକୁ ଗୁରୁତର ଅବସ୍ଥାରେ ଉଦ୍ଧାର କରି ସ୍ଥାନୀୟ ଡାକ୍ତରଖାନାରେ ଭର୍ତ୍ତି କରିଥିôଲେ । ଅନ୍ୟପକ୍ଷରେ ଏହି ଘଟଣାକୁ ନେଇ ଘଟଣାସ୍ଥଳରେ ଉତ୍ତେଜନା ପ୍ରକାଶ ପାଇଥିଲା । ଖବର ପାଇ ପୁଲିସ ଘଟଣାସ୍ଥଳରେ ପହଞ୍ଚି ଲୋକଙ୍କୁ ବୁଝାସୁଝା କରିବା ପରେ ରାସ୍ତାରୋକ ହଟିଥିଲା ।
ପ୍ରକାଶଥାଉକି, ରାଜପଥର ଗୋଡିବନ୍ଧ ଠାରୁ ବାଙ୍କଧରା, ତାଳଚେର କଲେଜ, ବହ୍ଲର, ଚାଇଁପାଳ ଦେଇ ହଜାର ହଜାର କୋଇଲ ଟ୍ରକ ଯାଆସ କରୁଛି । ଫଳରେ ଧୂଳିଧୁଅାଁ ଉଡି ଜାତୀୟ ରାଜପଥ କିଛି ଦେଖାଯାଉ ନାହିଁ । ଏହାଦ୍ୱାରା ରାଜପଥରେ ବାରମ୍ବାର ଦୁର୍ଘଟଣା ଘଟି ଜନଜୀବନ ହାନି ଘଟୁଛି ।
About Author
