ପ୍ରସାଦ ସେବନ ବେଳେ ଗଛ ପଡ଼ିଲା, ୭ ଶ୍ରଦ୍ଧାଳୁ ମୃତ
ମୁମ୍ବାଇ(ଏଜେନ୍ସି): ମହାରାଷ୍ଟ୍ରରେ କାଳ ବେଶାଖୀ ତାଣ୍ଡବ ରଚିଛି । ରବିବାର ରାତିରେ ଅକୋଲା ଜିଲ୍ଲାରେ ବର୍ଷା ପବନ ହେବାରୁ ଗଛ ପଡ଼ି ଅନୁ୍ୟନ ୭ ଜଣ ପ୍ରାଣ ହରାଇଛନ୍ତି ଓ ୬ ଜଣ ଗୁରୁତର ଆହତ ହୋଇଛନ୍ତି । ବାବାଜୀ ମହାରାଜ ମନ୍ଦିରରେ ପ୍ରସାଦ ସେବନ ଚାଲିଥିଲା । ଏଥିପାଇଁ ଭିଡ଼ ହୋଇଥିଲା । ଏହି ସମୟରେ ପ୍ରବଳ ପବନ ଓ ବର୍ଷା ହେବାରୁ ଏକ ବୃହତକାୟ ଲିମ୍ବ ଗଛ ପ୍ରସାଦ ସେବନ ଲାଗି ଉଦ୍ଦିଷ୍ଟ ସେଡ୍ ଉପରେ ଉପୁଡି ପଡ଼ିଥିଲା ।
ଦୁର୍ଘଟଣା ସମୟରେ ପ୍ରାୟ ୫୦ ଶ୍ରଦ୍ଧାଳୁ ଏକାଠି ପ୍ରସାଦ ସେବନ କରୁଥିଲେ । ଲିମ୍ବ ଗଛ ସେଡ ଉପରେ ପଡ଼ିବାରୁ ଏହା ତଳେ ପ୍ରସାଦ ସେବନ କରୁଥିବା ଶ୍ରଦ୍ଧାଳୁମାନେ ଚାପି ହୋଇଯାଇଥିଲେ । ପୁଲିସ୍ ଓ ଅଗ୍ନିଶମ କର୍ମ·ରୀ ପହଞ୍ଚି ଉଦ୍ଧାର କାର୍ଯ୍ୟ ତ୍ୱରାନ୍ୱିତ କରିଥିଲେ । ଗ୍ୟାସ କଟର ସାହାଯ୍ୟରେ ଗଛ ଓ ସେଡ୍ କଟାଯାଇ ଲୋକଙ୍କୁ ଉଦ୍ଧାର କରାଯାଇଥିଲା । ଆହତମାନଙ୍କୁ ନିକଟସ୍ଥ ମେଡିକାଲରେ ଭର୍ତ୍ତି କରାଯାଇଛି । ଜିଲ୍ଲାପାଳ ଏବଂ ଏସ୍ପି ସ୍ଥିତି ଅନୁଧ୍ୟାନ କରିଛନ୍ତି ।
About Author
