ଚେନ୍ନାଇର ସୁପର୍ ବିଜୟ
ଇଣ୍ଡିଆନ୍ ପ୍ରିମିଅର୍ ଲିଗ୍ -୧୬
ମୁମ୍ବାଇ, ୮ା୪ (ଏଜେନ୍ସି): ଚେନ୍ନାଇ ସୁପର୍ କିଙ୍ଗ୍ସ ଚଳିତ ଆଇପିଏଲ୍ ସିଜନ୍ର ୧୨ତମ ମ୍ୟାଚ୍ରେ ମୁମ୍ବାଇ ଇଣ୍ଡିଆକୁ ୭ ୱିକେଟ୍ରେ ହରାଇ ଜୋର୍ଦାର ବିଜୟ ହାସଲ କରିଛି ।
ପ୍ରଥମେ ବ୍ୟାଟିଂ ଆମନ୍ତ୍ରଣ ପାଇଥିବା ମୁମ୍ବାଇ ଟିମ୍ ଧାର୍ଯ୍ୟ ୨୦ ଓଭର୍ରେ ୮ ୱିକେଟ୍ ହରାଇ ୧୫୭ ରନ୍ ସଂଗ୍ରହ କରିଥିଲା । ଟିମ୍ ପକ୍ଷରୁ ଈଶାନ କିଶନ ସର୍ବାଧିକ ୩୨ ରନ୍ କରିଥିବା ବେଳେ ଟିମ୍ ଡେଭିଡ୍ ୩୧, ତିଲକ ବର୍ମା ୨୨, ଅଧିନାୟକ ରୋହିତ ଶର୍ମା ୨୧, ରିତିକ୍ ଶୋକୀନ ଅପରାଜିତ ୧୮ ରନ୍ କରିଥିଲେ । ବିପକ୍ଷ ବୋଲର୍ ରବୀନ୍ଦ୍ର ଜାଡ଼େଜା ମାତ୍ର ୨୦ ରନ୍ କରି ୩ ୱିକେଟ୍ ନେଇଥିଲେ । ତୁଷାର ଦେଶପାଣ୍ଡେ ଓ ମିଚେଲ୍ ସାଣ୍ଟନର୍ ୨ ଲେଖାଏଁ ଏବଂ ସୁସାନ୍ଦା ମଗଲା ଗୋଟିଏ ୱିକେଟ୍ ପାଇଥିଲେ ।
ଜବାବରେ ଚେନ୍ନାଇ ଟିମ୍ ୧୮.୧ ଓଭର୍ରେ ୩ ୱିକେଟ୍ ହରାଇ ୧୫୯ ରନ୍ କରି ବିଜୟୀ ହୋଇଥିଲା । ଟିମ୍ ପକ୍ଷରୁ ଅଜିଙ୍କ୍ୟ ରାହାଣେ ସର୍ବାଧିକ ୬୧ (୨୭ ବଲ୍ରୁ ୭ ଚୌକା ଓ ୩ ଛକା ସହାୟତାରେ) ରନ୍ର ଇନିଂସ୍ ଖେଳିଥିଲେ । ଶିବମ୍ ଦୁବେ ୨୮ ରନ୍ କରିିଥିବା ବେଳେ ଋତୁରାଜ ଗାଏକୱାଡ଼ ୪୦ ଓ ଅମ୍ବାତି ରାୟୁଡ଼ୁ ୨୦ ରନ୍ କରି ଅପରାଜିତ ଥିଲେ । ରାହାନେ ମାତ୍ର ୧୯ ବଲ୍ରୁ ଅର୍ଦ୍ଧଶତକ ପୂରଣ କରିଥିଲେ । ଚଳିତ ସିଜନ୍ର ଏହା ଦ୍ରୁତତମ ଅର୍ଦ୍ଧଶତକ ।
About Author
