ଦୀପାଳୀ ବିଜେଡି ପ୍ରାର୍ଥୀ
ଭୁବନେଶ୍ୱର, ୩୧ା୩ (ବୁ୍ୟରୋ) : ଝାରସୁଗୁଡା ଉପନିର୍ବାଚନ ପାଇଁ ପ୍ରାର୍ଥୀ ଘୋଷଣା କରିଛି ବିଜେଡି । ପୂର୍ବତନ ମନ୍ତ୍ରୀ ସ୍ୱର୍ଗତ ନବ କିଶୋର ଦାସଙ୍କ ଝିଅ ଦୀପାଳୀ ଦାସଙ୍କୁ ବିଜେଡି ପ୍ରାର୍ଥୀ ଭାବରେ ଘୋଷଣା କରିଛନ୍ତି ଦଳର ସୁପ୍ରିମୋ ତଥା ମୁଖ୍ୟମନ୍ତ୍ରୀ ନବୀନ ପଟ୍ଟନାୟକ । ଉପନିର୍ବାଚନ ତାରିଖ ଘୋଷଣା ହେବାର ୪୮ ଘଣ୍ଟା ନ ପୂରୁଣୁ ଦଳ ପକ୍ଷରୁ ବିଧିବଦ୍ଧ ଭାବେ ପ୍ରାର୍ଥୀ ରୂପେ ଦୀପାଳୀଙ୍କ ନାମ ଘୋଷଣା କରାଯାଇଛି ।
ବିଜେପି ଟଙ୍କଧର ତ୍ରିପାଠୀଙ୍କୁ ମୈଦାନକୁ ଓହ୍ଲାଇବା ଲାଗି ଯୋଜନା କରୁଥିବା ଦଳୀୟ ସୂତ୍ରରୁ ସୂଚନା ମିଳିଛି । ଦଳର ଏକ ଟିମ୍ ଝାରସୁଗୁଡାରେ ସ୍ଥିତି ଅନୁଧ୍ୟାନ କରୁଛନ୍ତି । ଆସନ୍ତା ଦୁଇ କିମ୍ବା ତିନି ଦିନ ମଧ୍ୟରେ ନିଷ୍ପତ୍ତି ଆସିଯିବ ବୋଲି ଦଳ ପକ୍ଷରୁ କୁହାଯାଇଛି । ତେବେ ପ୍ରାର୍ଥୀ ଚୟନ ତାଲିକାରେ କଂଗ୍ରେସ ବ୍ୟାକଫୁଟ୍ରେ ରହିଛି । କଂଗ୍ରେସ କାହାକୁ ପ୍ରାର୍ଥୀ କରିବ ବର୍ତ୍ତମାନ ସୁଦ୍ଧା ସ୍ପଷ୍ଟ ହୋଇନି । ବିଜେଡି ଓ ବିଜେପିକୁ ଟକ୍କର ଦେବା ପାଇଁ କଣ୍ଟାବାଞ୍ଜୀ ବିଧାୟକ ସନ୍ତୋଷ ସିଂହ ସାଲୁଜାଙ୍କ ନେତୃତ୍ୱରେ ଏକ ଟିମ୍ ଗଠନ କରାଯାଇଛି । ଟିମ୍ର ରିପୋର୍ଟ ଆଧାରରେ ପ୍ରାର୍ଥୀ ଘୋଷଣା କରାଯିବ ବୋଲି ପିସିସିରୁ ସୂଚନା ମିଳିଛି ।
ଝାରସୁଗୁଡା ଉପନିର୍ବାଚନ ପାଇଁ ଏପ୍ରିଲ ୧୩ରେ ବିଜ୍ଞପ୍ତି ପ୍ରକାଶ ପାଇବ । ଏପ୍ରିଲ ୨୦ ନାମାଙ୍କନ ପତ୍ର ଦାଖଲର ଶେଷ ଦିନ । ଏପ୍ରିଲ ୨୧ରେ ପ୍ରାର୍ଥôପତ୍ର ଯାଞ୍ଚ କରାଯିବ । ଏପ୍ରିଲ ୨୪ ପ୍ରାର୍ଥôପତ୍ର ପ୍ରତ୍ୟାହାରର ଶେଷ ତାରିଖ । ମେ ୧୦ ତାରିଖରେ ଭୋଟ ଗ୍ରହଣ କରାଯାଇ ମେ ୧୩ ତାରିଖରେ ଫଳ ଘୋଷଣା ହେବ ।
About Author
