ଏନ୍କାଉଣ୍ଟରରେ ଦୁର୍ଦ୍ଦାନ୍ତ ଜିତୁ ଆହତ
ଭୁବନେଶ୍ୱର, ୨୬ା୩(ବୁ୍ୟରୋ): ରାଜଧାନୀରେ ଦୁର୍ଦ୍ଦାନ୍ତ ଅପରାଧୀ ଜିତୁ ଓରଫ ଜିତେନ୍ଦ୍ର ପଲେଇ ପୁଲିସ୍ ଏନକାଉଣ୍ଟରରେ ଆହତ ହୋଇଛି । ବାଙ୍କୁଆଳ କୂଅଖାଇ ନଦୀ ପଠାରେ ଜିତୁକୁ ଶନିବାର ରାତି ପ୍ରାୟ ସାଢ଼େ ଗୋଟାଏରେ ଏନ୍କାଉଣ୍ଟର କରିଛି କମିଶନରେଟ୍ ପୋଲିସ୍ । ଜିତୁର ବାମ ଗୋଡର ଗୁଳି ବାଜିଥିବାରୁ ତାକୁ ଗୁରୁତର ଅବସ୍ଥାରେ କ୍ୟାପିଟାଲ ହସ୍ପିଟାଲ ପରେ କଟକ ସ୍ଥାନାନ୍ତର କରାଯାଇଛି । ଜିତୁ କାର୍ ନେଇ ଭୁବନେଶ୍ୱର ଆସୁଥିବା ବେଳେ ଟଙ୍କପାଣି ରୋଡରେ ପୁଲିସ୍ ଟିମ୍ ସହିତ ମୁହାଁମୁହାଁ ହୋଇଥିଲା । ପୁଲିସ୍କୁ ଦେଖିବା ମାତ୍ରେ ଜିତୁ ଆଖିବୁଜା ଗୁଳିମାଡ଼ କରି ଖସିଯିବାକୁ ଉଦ୍ୟମ କରିଥିଲା । ବହୁ ସମୟ ଧରି ପୁଲିସ୍ ସହ ଛକାପଞ୍ଝା ·ଲିଥିଲା । ଶେଷରେ ଜିତୁକୁ କାବୁ କରିବାକୁ ୧୦ ରାଉଣ୍ଡ ଗୁଳି ଚଳାଇଥିଲା ପୁଲିସ ।
ଜିତେନ୍ଦ୍ର ନାଁରେ ପୂର୍ବରୁ ବିଭିନ୍ନ ଥାନାରେ ଅନେକ ଅପରାଧିକ ମାମଲା ରହିଛି । ହତ୍ୟା, ହତ୍ୟା ଉଦ୍ୟମ, ଡକାୟତି, ସୁପାରି କିଲିଙ୍ଗ୍ ଭଳି ସଂଗୀନ ମାମଲା ତା’ ନାମରେ ଅଛି । ୧୭ ତାରିଖ ଦିନ ୟୁନିଟ୍ ୪ ସ୍ଥିତ ଶ୍ରୀ ଜୁଏଲର୍ସରେ ସେ ବୋମା ମାଡ଼ କରିଥିଲା ।
About Author
