ଛଦ୍ମବେଶରେ ବୁଲୁଛି ଅମୃତପାଲ
ପତ୍ନୀ ଓ ମା’ଙ୍କୁ ପୁଲିସ୍ର ଜେରା
ଆଉ ୪ ସହଯୋଗୀ ଗିରଫ, ବାଇକ୍ ଜବତ
ଲଣ୍ଡନ/ ନୂଆଦିଲ୍ଲୀ (ଏଜେନ୍ସି): ସ୍ୱତନ୍ତ୍ର ଖଲିସ୍ତାନ ଗଠନ ଯୋଜନା କରୁତôବା ‘ଓା୍ୱରିସ୍ ପଞ୍ଜାବ ଦେ’ ସଙ୍ଗଠନର କର୍ମକର୍ତ୍ତା ଅମୃତ ପାଲସିଂହକୁ ଗିରଫ କରିବା ନିମିତ୍ତ ପଞ୍ଜାବ ପୁଲିସ ପକ୍ଷରୁ ବିଭିନ୍ନ ସ୍ଥାନରେ ଚଢ଼ଉ ଜାରି ରହିଛି । ତା’ ବିରୋଧରେ ନାସା ଲଗାଯାଇ ପଳାତକ ଘୋଷଣା କରାଯାଇଛି । ତା’ ପତ୍ନୀ କିରଣଦୀପ କୌର୍ ଓ ମା’ଙ୍କୁ ଜେରା ଚାଲିଛି ।
ଇତିମଧ୍ୟରେ ପୁଲିସ ହାତରୁ ଖସିଯିବାର ୫ ଦିନ ବିତତିଯାଇଥିଲେବି ଅମୃତପାଲକୁ ଠାବ କରାଯାଇ ପାରିନାହିଁ । ଅମୃତ ୍ପାଲ୍ର ବେଶ ବଦଳାଇ ପଞ୍ଜାବରେ ରହିଛି ବୋଲି ପୁଲିସ ବିଶ୍ୱାସ କରୁଛି । ସେ ଛଦ୍ମବେଶରେ ପଞ୍ଜାବରେ ଆତ୍ମଗୋପନ କରିଥାଇପାରେ ବୋଲି ଜଳନ୍ଧର ଏସ୍ଏସ୍ପି ସ୍ୱରନଦୀପ୍ ସିଂହ ସୂଚନା ଦେଇଛନ୍ତି । ଧରିବା ନିମିତ୍ତ ଅମୃତର ବିଭିନ୍ନ ଚେହେରାର ୭ ଫଟୋ ଜାରି କରାଯାଇଛି । ଏସ୍ଏସ୍ପି କହିଛନ୍ତି, ଯେଉଁ ବାଇକ୍ରେ ଅମ୍ରିତ୍ପାଲ୍ ଖସିଯାଇଥିଲା ତାକୁ ଏକ କେନାଲ ନିକଟରୁ ଜବତ କରାଯାଇଛି । ପଳାଇବାରେ ସହଯୋଗ କରିଥିବା ମନପ୍ରୀତ୍ ସିଂହ, ଗୁରଦୀପ ସିଂହ, ହରପ୍ରୀତ୍ ସିଂହ ଓ ଗୁର୍ଭେଜ୍ ସିଂହଙ୍କୁ ଠାବ କରାଯାଇଛି । ମନ୍ପ୍ରୀତ୍ ଠାରୁ ଏକ ଏସ୍ୟୁଭି ସହିତ ଏକ ପଏଣ୍ଟ୍ ୩୧୫ ବୋର୍ ରାଇଫଲ୍, ଖଣ୍ଡା, ୱାକିଟକି ଜବତ କରାଯାଇଛି ।
ଅନ୍ୟପକ୍ଷରେ ଭାରତୀୟ ହାଇକମିଶନ ନିକଟରୁ ବ୍ୟାରିକେଡ୍ ହଟାଯିବା ପରେ ଯେସାକୁ ତେଷା ନୀତି ଆପଣାଇଛି ଭାରତ । ଦିଲ୍ଲୀର ରାଜାଜୀ ମାର୍ଗରେ ଥିବା ୟୁକେ ହାଇକମିସନ ବାହାରେ ଲଗାଯାଇଥିବା ବ୍ୟାରିକେଡ୍ ବୁଧବାର ହଟାଇ ଦିଆଯାଇଛି । ଏପରିକି ବ୍ରିଟିଶ ଉଚ୍ଚାୟୁକ୍ତ ଆଲେକ୍ସ ଏଲିକ୍ସଙ୍କ ବାସଭବନ ସମ୍ମୁଖରୁ ମଧ୍ୟ ବ୍ୟାରିକେଡ୍ ପ୍ରତ୍ୟାହର କରାଯାଇଛି । ହେଲେ ଏହା ପଛର କାରଣ ସଂପର୍କରେ ନିର୍ଦ୍ଦିଷ୍ଟଭାବେ କିଛି କୁହାଯାଇନି ।
About Author
