ସବୁଠାରୁ ଦାମୀ ସେଲିବ୍ରିଟି ରଣବୀର
ନୂଆଦିଲ୍ଲୀ (ଏଜେନ୍ସି): ଭାରତର ସବୁଠୁ ମୂଲ୍ୟବାନ ସେଲିବ୍ରିଟି ହେଲେ ବଲିଉଡ୍ ଅଭିନେତା ରଣବୀର ସିଂହ । ଟିମ୍ ଇଣ୍ଡିଆର ଷ୍ଟାର କ୍ରିକେଟର ବିରାଟ କୋହଲିଙ୍କୁ ପଛରେ ପକାଇ ସେ ଏହି ସଫଳତା ହାସଲ କରିଛନ୍ତି । ରଣବୀର ସିଂହ ଅଭିନୟ ସହିତ ଫ୍ୟାସନ ଷ୍ଟାଇଲ ପାଇଁ ସବୁବେଳେ ଚର୍ଚ୍ଚାରେ ଥା’ନ୍ତି । ଏବେ ତାଙ୍କ ନାମରେ ଦାମୀ ସେଲିବ୍ରିଟି ଯୋଡି ହୋଇଛି । କର୍ପୋରେଟ୍ ଇନଭେଷ୍ଟିଗେସନ୍ ଆଣ୍ଡ ରିସ୍କ କନସଲଟିଂ ଫାର୍ମ ପକ୍ଷରୁ ନିକଟରେ ପ୍ରକାଶିତ ରିପୋର୍ଟରେ ଦେଶର ସବୁଠାରୁ ଧନୀ ସେଲିବ୍ରିଟିଙ୍କ ତାଲିକା ପ୍ରକାଶ ପାଇଛି । ରିପୋର୍ଟ ଅନୁଯାୟୀ, ୨୦୨୨ରେ ରଣବୀର ସିଂହଙ୍କ ବ୍ରାଣ୍ଡ୍ ମୂଲ୍ୟ ୧୮୧.୭ ମିଲିୟନ ଡଲାର ହୋଇଛି । ତାଙ୍କ ପଛକୁ ରହିଛନ୍ତି କୋହଲି ଓ ତାଙ୍କ ବ୍ରାଣ୍ଡ ଭ୍ୟାଲୁ ୧୭୬.୯ ମିଲିୟନ୍ ଡଲାର । ଅଭିନେତ୍ରୀ ଆଲିଅ ଭଟ୍ଟ ଏହି ତାଲିକାରେ ସବୁଠାରୁ ମୂଲ୍ୟବାନ ମହିଳା ସେଲିବ୍ରିଟି ଭାବରେ ଉଭା ହୋଇଛନ୍ତି । ତାଙ୍କ ବ୍ରାଣ୍ଡ୍ ଭ୍ୟାଲୁ ହେଉଛି ୧୦୨.୯ ମିଲିୟନ ଡଲାର । ଅକ୍ଷୟ କୁମାରଙ୍କ ବ୍ରାଣ୍ଡ ଭ୍ୟାଲୁ ୧୫୩.୬ ମିଲିୟନ୍ ଡଲାର ରହିଛି ।
About Author
