ମାଓବାଦୀ ସନେ୍ଦହରେ ୧୧ ଅଟକ
ଫୁଲବାଣୀ/କୋଟଗଡ଼ ୧୯ ।୩(ବୁରୋ): ମାଓବାଦୀ ସନେ୍ଦହରେ ୧୧ ଜଣକୁ କୋଟଗଡ଼ ପୋଲିସ ଅଟକ ରଖି ପଚରା ଉଚରା କରୁଥିବା ଜଣାପଡ଼ିଛି । କନ୍ଧମାଳ ଜିଲ୍ଲା କୋଟଗଡ ବ୍ଲକ ହରିପୁର ନିକଟ ବୁଢ଼ା ପାହାଡ଼ରେ କୋଟଗଡ ୮ମ ବାଟାଲିୟନ ଯବାନଙ୍କ କମ୍ବିଂ ବେଳେ ସନେ୍ଦହଜନକ ଭାବେ ଦେଶୀ ବନ୍ଧୁକ ଓ କିଛି ମାରଣାସ୍ତ୍ର ସହ ବୁଲୁଥିବା ଦେଖିବାକୁ ପାଇଥିଲେ । ଏହି ୧୧ ଜଣଙ୍କୁ ଧରିବା ସହିତ ପୋଲିସ ହେପାଜତରେ ରଖାଯାଇଛି । ଏମାନଙ୍କ ଠାରୁ ୪ ଦେଶୀ ବନ୍ଧୁକ, ୩ ଟାଙ୍ଗିଆ, ଗୋଟିଏ କଟୁରୀ, ରଂଜକ, ହେଡ୍ ଲାଇଟ୍, ଥାଳି,୨ଟି ମୋବାଇଲ ଫୋନ ମିଳିଛି ।
ସୂଚନାନୁଯାୟୀ, ରବିବାର ସକାଳ ପ୍ରାୟ ୮ଟା ବେଳେ ଯବାନମାନେ ନିଜର ଦୈନିକ ରୁଟିନ ଅନୁଯାୟୀ ମାଦାଗୁଡା ପଂଚାୟତର ଜରିଘାଟି ଗାଁ ନିକଟରେ କମ୍ବିଂ କରୁଥିବାବେଳେ ବନ୍ଧୁକ ଧରିଥିବା କିଛି ଲୋକ ଦୌଡ଼ି ଚାଲିଯିବାକୁ ଉଦ୍ୟମ କରିଥିଲେ । ସନେ୍ଦହ ଉପୁଜିବରାରୁ ଯବାନମାନେ ସେମାନଙ୍କୁ ପିଛା କରି କାବୁ କରିନେଇଥିଲେ । ସେମାନଙ୍କଠାରୁ ପୂର୍ବୋକ୍ତ ବହୁ ମାରଣାସ୍ତ୍ର ଓ ଅନ୍ୟାନ୍ୟ ଆପତ୍ତିଜନକ ସାମଗ୍ରୀ ଜବତ କରାଯାଇଥିଲା । ମାଓ ସଂଗଠନ ସହ ସେମାନଙ୍କ ସମ୍ପର୍କ ଥିବା ନେଇ ଖୋଳତାଡ ଜାରି ରହିଛି ।
About Author
