ଅର୍ଥବ୍ୟବସ୍ଥା ୮.୫ ହାରରେ ବଢିÿବ
ଭୁବନେଶ୍ୱର, ୨୩ା୨(ବୁ୍ୟରୋ): ରାଜ୍ୟ ସରକାର ପ୍ରକାଶ କଲେ ୨୦୨୩-୨୩ ଆର୍ଥିକ ବର୍ଷର ଅର୍ଥନୈତିକ ସର୍ଭେ ରିପୋର୍ଟ । ରାଜ୍ୟର ଅର୍ଥନୈତିକ ଅଭିବୃଦ୍ଧି ହାର ସ୍ଥିର ରହିଥିବା ରିପୋର୍ଟରେ ଉଲ୍ଲେଖ । ବର୍ତ୍ତମାନ ରାଜ୍ୟର ଅର୍ଥନୈତିକ ଅଭିବୃଦ୍ଧି ହାର ୭.୮୨ ପ୍ରତିଶତ ରହିଛି । ଦେଶରେ ଅର୍ଥନୈତିକ ଅଭିବୃଦ୍ଧି ହାର ୭.୦ ପ୍ରତିଶତ ରହିଥିବା ଉଲ୍ଲେଖ । ରାଜ୍ୟର ଅଭିବୃଦ୍ଧି ହାର ୨୦୨୧-୨୨ ଆର୍ଥିକ ବର୍ଷରେ ୧୧.୫ ପ୍ରତିଶତ । ସେହିପରି ରାଜ୍ୟର ମୁଣ୍ଡ ପିଛା ଆୟ ୧ ଲକ୍ଷ ୫୦ ହଜାର ୬୭୬ ଟଙ୍କା ଥିବାବେଳେ ଦେଶରେ ମୁଣ୍ଡ ପିଛା ଆୟ ୧ ଲକ୍ଷ ୭୦ ହଜାର ୬୨୦ ରହିଛି । ସେହିପରି ୨୦୧୫-୧୬ ରେ ୬୪ ହଜାର ୮୩୫ ଥିଲା ରାଜ୍ୟର ମୁଣ୍ଡ ପିଛା ଆୟ । ଦେଶ ଓ ରାଜ୍ୟର ମୁଣ୍ଡ ପିଛା ଆୟର ତାରତମ୍ୟରେ ୨୦୧୫-୧୬ ରେ ୩୨ ପ୍ରତିଶତ ଥିବାବେଳେ ବର୍ତ୍ତମାନ ଏହା ୧୨ ପ୍ରତିଶତକୁ ଖସିଛି । ବର୍ତ୍ତମାନ ରାଜ୍ୟର ମୁଦ୍ରାସ୍ପିତି ୬.୫୬ ପ୍ରତିଶତ ଥିବାବେଳେ ଗ୍ରାମାଞ୍ଚଳରେ ୬.୯୫ ପ୍ରତିଶତ ଓ ସହରାଞ୍ଚଳରେ ୫.୫୨ ପ୍ରତିଶତ ରହିଛି ।
ସେହିପରି ରାଜ୍ୟର ବିତ୍ତୀୟ ନିଅଣ୍ଟ ୨.୮ ପ୍ରତିଶତ ରହିଛି ଯାହାକି ୨୦୨୧-୨୨ ରେ ୦.୪ ପ୍ରତିଶତ ଥିଲା । ବର୍ତ୍ତମାନ ରାଜ୍ୟର ରଜସ୍ୱ ନିଅଣ୍ଟ ରହିଛି ୨.୩୮ ପ୍ରତିଶତ ରହିଛି ୨୦୨୧-୨୨ ରେ ରଜସ୍ୱ ନିଅଣ୍ଟ ଥିଲା ୩.୧୮ ପ୍ରତିଶତ । ସେହିପରି ରାଜ୍ୟର କୃଷି କ୍ଷେତ୍ରରେ ଅଭିବୃଦ୍ଧି ହାର ୨୦୨୨-୨୩ ରେ ୬.୦ ପ୍ରତିଶତ ରହିଛି ଯାହାକି ୨୦୨୧-୨୨ ରେ ୨.୦୪ ପ୍ରତିଶତ । ରାଜ୍ୟର ଅଭିବୃଦ୍ଧିରେ ଶିଳ୍ପ ଓ ସେବା କ୍ଷେତ୍ର ଇଞ୍ଜିନି ସାଜିଛି ବୋଲି ରିପୋର୍ଟରେ ଉଲ୍ଲେଖ । ଶିକ୍ଷା, ସ୍ୱାସ୍ଥ୍ୟ, ଦକ୍ଷତା ବିକାଶ, ମହିଳା ସଶକ୍ତିକରଣ, ସହରାଞ୍ଚଳ ବିକାଶ, ପାନୀୟ ଜଳ, ଶିଶୁ ସୁରକ୍ଷା କ୍ଷେତ୍ରରେ ଆଖିଦୃଶିଆ ପରିବର୍ତ୍ତନ ଆସିଥିବା ରିପୋର୍ଟରେ ଦର୍ଶାଇଛନ୍ତି ସରକାର ।
About Author
