୩ ଜଣଙ୍କୁ ଦଳିଦେଲା ପାଗଳ ହାତୀ
ଗୋରଖପୁର, ୧୬ ।୨: ଉତ୍ତରପ୍ରଦେଶର ଗୋରଖପୁରଠାରେ ଗୋଟିଏ ପାଗଳ ହାତୀ ୩ ଜଣଙ୍କୁ ଦଳି ମାରିଦେଇଛି । ହାତୀ ଆକ୍ରମଣରେ ଅନେକ ଲୋକ ଆହତ ହୋଇଛନ୍ତି । ବିଜେପି ବିଧାୟକ ବିପିନ ସିଂହଙ୍କ ଏହି ହାତୀର ନାମ ପ୍ରସାଦ । ଏହା ପୂର୍ବରୁ ୨୦୨୦ ଜାନୁଆରୀ ୧୩ ତାରିଖ ଦିନ ଏହି ହାତୀ ନିଜ ମାହୁନ୍ତକୁ କଚାଡ଼ି ମାରିଦେଇଥିଲା । ପରେ ହାତୀକୁ ବନ ବିଭାଗ ଅଟକ ରଖିଥିଲେହେଁ ପରେ ବିଧାୟକ ତାକୁ ନେଇଯାଇଥିଲେ ।
୧୬ରୁ ୨୪ ତାରିଖ ପର୍ଯ୍ୟନ୍ତ ଲକ୍ଷ୍ମୀନାରାୟଣ ମହାଯଜ୍ଞ ପାଇଁ ଗୁରୁବାର କଳସ ଯାତ୍ରା ଆୟୋଜନ କରାଯାଇଥିଲା । ଯାତ୍ରାରେ ସାମିଲ ହେବା ପାଇଁ ଦୁଇଟି ହାତୀ ଓ ଦୁଇଟି ଓଟ ଭଡ଼ାରେ ଅଣାଯାଇଥିଲା । ହାତୀ ଦେଖିବା ପାଇଁ ଓ ହାତୀ ସହ ସେଲ୍ଫି ନେବା ପାଇଁ ବହୁ ଲୋକ ଜମା ହୋଇଥିଲେ । ଗହଳି ଓ ଘୋ’ଘା ବଢ଼ିବାରୁ ପ୍ରସାଦ ନାମକ ହାତୀ ମତ୍ତ ହୋଇଉଠି ପୂଜା କରୁଥିବା ଦୁଇଜଣ ମହିଳା କାନ୍ତୀ ଦେବୀ ଓ କୌଶଲ୍ୟା ଦେବୀ ନାମ୍ନୀ ଦୁଇଜଣ ମହିଳାଙ୍କୁ ଶୁଣ୍ଢରେ ଟେକି କଚାଡ଼ି ଦେବା ସହ ଦଳିଦେଲା । କୌଶଲ୍ୟା ଦେବୀଙ୍କ କୋଳରେ ତାଙ୍କ ୪ ବର୍ଷର ନାତି କୃଷ୍ଣା ବସିଥିଲା । ତା’ର ମଧ୍ୟ ମୃତୁ୍ୟ ହୋଇଛି । କୌଶଲ୍ୟା ହାତୀ ପୂଜା ପାଇଁ ନାତିକୁ ସାଙ୍ଗରେ ଧରି ଆସିଥିଲେ ।
ପ୍ରତ୍ୟକ୍ଷଦର୍ଶୀ କହିଛନ୍ତି, ସୂଚନା ଦିଆଯିବାର ଘଣ୍ଟାଏ ପରେ ପୁଲିସ ଓ ବନ ବିଭାଗ ଅଧିକାରୀମାନେ ପହଞ୍ଚôଥିଲେ । ସେମାନଙ୍କ ସହ ହାତୀର ମାହୁନ୍ତ ମଧ୍ୟ ଆସିଥିଲେ । ପ୍ରାୟ ୫ ଘଣ୍ଟା ପରେ ହାତୀକୁ କାବୁ କରିବାରେ ସେମାନେ ସକ୍ଷମ ହୋଇଥିଲେ ।
About Author
