ଘନଶ୍ୟାମ ମହାପାତ୍ରଙ୍କୁ ଜୟଦେବ ସମ୍ମାନ
ରାଜ୍ୟ ଚଳଚ୍ଚିତ୍ର ପୁରସ୍କାର ଘୋଷଣା
ଭୁବନେଶ୍ୱର, ୧୩ା୨(ବୁ୍ୟରୋ) : ୨୦୧୯ ମସିହା ପାଇଁ ରାଜ୍ୟ ଚଳଚ୍ଚିତ୍ର ପୁରଷ୍କାର ଘୋଷଣା ହୋଇଛି । ଏହି ବର୍ଷ ନିମନ୍ତେ ଘନଶ୍ୟାମ ମହାପାତ୍ରଙ୍କୁ ଜୟଦେବ ପୁରସ୍କାରରେ ସମ୍ମାନିତ କରାଯାଇଛି । ସୋମବାର ଭୁବନେଶ୍ୱର ଉକ୍ରଳ ମଣ୍ଡପଠାରେ ଅନୁଷ୍ଠିତ ଉତ୍ସବରେ ତାଙ୍କୁ ମାନପତ୍ର ଓ ଉପଢୌକନ ସହ ୨ ଲକ୍ଷ ଟଙ୍କାର ପୁରସ୍କାର ରାଶି ପ୍ରଦାନ କରାଯାଇଛି ।
‘କାଳିଆ କରୁଛି ଲୀଳା’କୁ ଶ୍ରେଷ୍ଠ ଟେଲି ଚଳଚ୍ଚିତ୍ର ଭାବେ ଘୋଷଣା କରାଯାଇଛି । ଡ. ଅଶ୍ୱନୀ ଗଡନାୟକଙ୍କୁ ଶ୍ରେଷ୍ଠ ଟେଲି ନିଦେ୍ର୍ଦଶକ ଭାବେ ସମ୍ମାନିତ କରାଯାଇଛି । ଶ୍ରେଷ ଧାରାବାହିକ ଭାବେ ସରଗମକୁ ଚୟନ କରାଯାଇଥିବା ବେଳେ ଶ୍ରେଷ୍ଠ ଧାରାବାହିକ ନିଦେ୍ର୍ଦଶକ ଭାବରେ ଚଣ୍ଡୀ ପରିଜାଙ୍କ ନାମ ଘୋଷଣା କରାଯାଇଛି । ସେହିପରି ଶ୍ରେଷ୍ଠ ଟେଲି ଅଭିନେତ୍ରୀ ଲିପ୍ସା ମିଶ୍ର, ପାଶ୍ୱର୍ ଅଭିନେତା ଓ ଅଭିନେତ୍ରୀ ଭାବେ ଜୀବନ ପଣ୍ଡା ଓ ମଧୁସ୍ମିତା ପ୍ରଧାନଙ୍କ ନାମ ଘୋଷଣା କରାଯାଇଛି । ଶ୍ରେଷ୍ଠ ଖଳନାୟକ ଭାବରେ ସୁରେଶ ମିଶ୍ରଙ୍କୁ ଚୟନ କରାଯାଇଥିବା ବେଳେ ଉଷସୀ ମିଶ୍ରଙ୍କୁ ଶ୍ରେଷ୍ଠ ଖଳନାୟିକା, ହରିହର ମହାପାତ୍ରଙ୍କୁ ଶ୍ରେଷ୍ଠ ହାସ୍ୟ କଳାକାର ଏବଂ ସୁଦୀପ୍ତ ଚାନ୍ଦଙ୍କୁ ଶ୍ରେଷ୍ଠ ଗୀତିକାର ଭାବେ ଚୟନ କରାଯାଇଛି ।
About Author
