ଗାଡ଼ି ଧକ୍କାରେ ମାଆ ସହ ୨ ଭାଲୁ ଛୁଆ ମୃତ
ନୀଳଗିରି, ୫ା୨ (ଆପ୍ର): ଶନିବାର ମଧ୍ୟରାତ୍ରରେ ନୀଳଗିରି ବ୍ଲକ୍ ଅଯୋଧ୍ୟା ମିତ୍ରପୁର ରାସ୍ତାର ପାଟଣା ଛକ ନିକଟରେ ରାସ୍ତା ପାରି ହେଉଥିବା ବେଳେ ଅଜଣା ଗାଡ଼ି ଧକ୍କାରେ ୩ ଭାଲୁଙ୍କ ମୃତୁ୍ୟ ହୋଇଛି । ଏଥିରେ ମାଆ ସହିତ ୨ଟି ଭାଲୁ ଛୁଆ ଥିବା ଜଣାପଡ଼ିଛି । ନୀଳଗିରି ବନବିଭାଗ ମୃତ ଭାଲୁଙ୍କ ଶବ ବ୍ୟବଚ୍ଛେଦ କରିବା ପରେ ପୋତି ଦେଇଛି । ତେବେ ପଶୁପ୍ରେମୀମାନେ ଭାଲୁ ମୃତୁ୍ୟ ପାଇଁ ଜଙ୍ଗଲ କର୍ମଚାରୀ ଓ ଜଙ୍ଗଲ ମାଫିଆଙ୍କୁ ଦାୟୀ କରିଛନ୍ତି ।
ନୀଳଗିରି ସ୍ଥିତ ସ୍ୱର୍ଣ୍ଣଚୂଡ଼ ପାହାଡ଼ରେ ଭାଲୁ ରହିବା ସ୍ୱଭାବିକ ଘଟଣା । କିଛିଦିନ ହେଲା ଜଙ୍ଗଲରେ ଭାଲୁଙ୍କ ସଂଖ୍ୟା ବୃଦ୍ଧି ହେବା ସହିତ ଖାଦ୍ୟ ଅଭାବ କାରଣରୁ ଭାଲୁ ସହ ଅନ୍ୟ ଜଙ୍ଗଲୀ ପଶୁ ଗ୍ରାମ ମୁହାଁ ହେଉଛନ୍ତି । ଏଣୁ ଅନେକ ସମୟରେ ଏହି ପଶୁଙ୍କ ସହ ମଣିଷଙ୍କ ଲଢ଼େଇ ମଧ୍ୟ ହୋଇଥାଏ । ଏହାକୁ ଦୃଷ୍ଟିରେ ରଖି ହିଂସ୍ର ପଶୁଙ୍କ ଯାତାୟତ ସ୍ଥାନରେ ସତର୍କ ଫଳକ ମଧ୍ୟ ଲଗାଯାଇଥାଏ । ମାତ୍ର କେଉଁ ପରିସ୍ଥିତିରେ ଭାଲୁମାନେ ରାସ୍ତା ଦୁର୍ଘଟଣାର ଶିକାର ହେଲେ । ବନବିଭାଗ ଏହାର ତଦନ୍ତ କରୁଛି ।
About Author
