ଅସୁସ୍ଥ ଇଲିଆନା ହସ୍ପିଟାଲରେ ଭର୍ତ୍ତି
ମୁମ୍ବାଇ (ଏଜେନ୍ସି): ବଲିଉଡ୍ ସହ ଦକ୍ଷିଣ ଭାରତୀୟ ଫିଲ୍ମ ଇଣ୍ଡଷ୍ଟ୍ରୀରେ ମଧ୍ୟ ନିଜର ଏକ ସ୍ୱତନ୍ତ୍ର ସ୍ଥାନ ସୃଷ୍ଟି କରିଥିବା ଚୁଲବୁଲି ଅଭିନେତ୍ରୀ ଇଲିଆନା ଡିକ୍ରୁଜ୍ ହସ୍ପିଟାଲରେ ଭର୍ତ୍ତି ହୋଇଛନ୍ତି । ଏସମ୍ପର୍କରେ ସେ ନିଜ ପ୍ରଶଂସକଙ୍କୁ ନିଜେ ଇନ୍ଷ୍ଟାଗ୍ରାମ୍ ଜରିଆରେ ସୂଚନା ଦେଇଛନ୍ତି । ସେ ହସ୍ପିଟାଲରେ ଚିକିତ୍ସାଧୀନ ଥିବା ଏବଂ ତାଙ୍କୁ ସାଲାଇନ୍ ଦିଆଯାଉଥିବା ସମୟର କିଛି ଫଟୋକୁ ସେ ସେୟାର ମଧ୍ୟ କରିଛନ୍ତି । ଏଥିସହ ସେ ଲେଖିଛନ୍ତି, ଭଲ ଡାକ୍ତରୀ ଦଳ ଏବଂ ସହାୟିକା ଟିମ୍ ତାଙ୍କର ଚିକିତ୍ସା କରୁଛନ୍ତି । ଖୁବଶୀଘ୍ର ସେ ସୁସ୍ଥ ହୋଇ ଫେରିବେ ବୋଲି ଆଶା କରୁଛନ୍ତି । ଏଥିସହ ସେ ନିଜ ପ୍ରଶଂସକଙ୍କୁ ମଧ୍ୟ ଆଶ୍ୱସ୍ତ କରିଛନ୍ତି, ହସ୍ପିଟାଲରୁ ଫେରିବା ପରେ ସେ ପୁନର୍ବାର ସେମାନଙ୍କ ମନୋରଞ୍ଜନ ଜାରି ରଖିବେ । ୨ଠ୧୨ରୁ ଅଭିନୟ ଜୀବନ ଆରମ୍ଭ କରିଥିବା ଇଲିଆନା, ବଲିଉଡ୍ ଅଭିନେତ୍ରୀ କ୍ୟାଟି୍ରନା କୈଫ୍ଙ୍କ ଭାଇ ସେବାଷ୍ଟିଆନ୍ ଲରେଣ୍ଟ୍ ମିସେଲଙ୍କ ସହ ରିଲେସନ୍ସିପ୍ରେ ଅଛନ୍ତି ।
About Author
