ଦିଲ୍ଲୀରେ ମୋଦିଙ୍କ ମେଗା ରୋଡ୍ ଶୋ’
ବିଜେପିର ୨ ଦିନିଆ କାର୍ଯ୍ୟକାରିଣୀ
ସବୁ ରାଜ୍ୟରେ ଜିତିବାକୁ ହେବ: ନଡ୍ଡା
ନୂଆଦିଲ୍ଲୀ (ଏଜେନ୍ସି): ପ୍ରଧାନମନ୍ତ୍ରୀ ନରେନ୍ଦ୍ର ମୋଦି ଦିଲ୍ଲୀରେ ସୋମବାର ବିଶାଳ ରୋଡ୍ ଶୋ’ କରିଛନ୍ତି । ପଟେଲ ଛକରୁ ବାହାରି ଏନ୍ଡିଏମ୍ସି ସମ୍ମିଳନୀ କେନ୍ଦ୍ର ଯାଏ ଏହି ରୋଡ୍ ଶୋ’ କରାଯାଇଥିଲା । ଏହି ସମୟରେ ରାସ୍ତାରେ ବହୁ ସଂଖ୍ୟାରେ ଭିଡ ଜମାଇଥିବା ଲୋକେ ମୋଦିଙ୍କ କାର୍କେଡ୍ ଉପରକୁ ପୁଷ୍ପବର୍ଷାପୂର୍ବକ ଅଭିନନ୍ଦନ ଜଣାଇଥିଲେ ।
ଦିଲ୍ଲୀର ଏନ୍ଡିଏମ୍ସି ସମ୍ମିଳନୀ କେନ୍ଦ୍ରରେ ବିଜେପିର ଦୁଇ ଦିନିଆ ଜାତୀୟ କାର୍ଯ୍ୟକାରିଣୀ ବୈଠକ ଆୟୋଜିତ ହେଉଛି । ପ୍ରଥମ ଦିନରେ ମୋଦି ଏହି ସମ୍ମିଳନୀରେ ସାମିଲ ହୋଇ ଦଳୀୟ ନେତାମାନଙ୍କୁ ବିଜୟ ପାଇଁ ଗୁରୁମନ୍ତ୍ର ଦେଇଛନ୍ତି । ସେହିପରି ବିଜେପି ରାଷ୍ଟ୍ରୀୟ ଅଧ୍ୟକ୍ଷ ଜେପି ନ‡ା, ଦଳୀୟ ନେତା ଓ କର୍ମୀମାନଙ୍କୁ କଠିନ ପରିଶ୍ରମ କରିବା ପୂର୍ବକ ୨ଠ୨୩ରେ ହେବାକୁ ଥିବା ୯ ରାଜ୍ୟର ବିଧାନସଭା ନିର୍ବାଚନରେ ବିଜୟୀ ହେବାକୁ କହିଛନ୍ତି । ୨ଠ୨୪ ନିର୍ବାଚନ ପୂର୍ବରୁ ୨ଠ୨୩ର ବିଧାନସଭା ନିର୍ବାଚନ ଫଳାଫଳ ବେଶ୍ ଗୁରୁତ୍ୱ ବହନ କରୁଥିବା ସେ ଉଲ୍ଲେଖ କରିଛନ୍ତି ।
କାର୍ଯ୍ୟକାରିଣୀ କାଳରେ ଆଗାମୀ ଦିନରେ ହେବାକୁ ଥିବା କେତେକ ରାଜ୍ୟର ବିଧାନସଭା ନିର୍ବାଚନ ସହ ୨ଠ୨୪ ସାଧାରଣ ନିର୍ବାଚନ ପାଇଁ ବ୍ୟାପକ ଆଲୋଚନା କରାଯିବା ସହ ବ୍ଲୁ-ପ୍ରିଣ୍ଟ ପ୍ରସ୍ତୁତ କରାଯିବାର କାର୍ଯ୍ୟକ୍ରମ ରହିଛି । ବିଜେପି ରାଷ୍ଟ୍ରୀୟ ଅଧ୍ୟକ୍ଷ ଜେପି ନ‡ାଙ୍କ ସମେତ ସ୍ୱରାଷ୍ଟ୍ର ମନ୍ତ୍ରୀ ଅମିତ ଶାହା ଏବଂ ଦଳର ପ୍ରାଦେଶିକ ସ୍ତରୀୟ ବହୁ ବରିଷ୍ଠ ନେତା ଏହି ସଭାରେ ଯୋଗ ଦେଇଛନ୍ତି । ୨ଠ୨୪ ନିର୍ବାଚନ ପୂର୍ବରୁ ଦଳକୁ ମଜବୁତ୍ କରିବା, ଦୁର୍ବଳ ଥିବା ସଂସଦୀୟ କ୍ଷେତ୍ରକୁ ଅଧିକ ଫୋକସ୍ କରିବା ଉପରେ ନେତାମାନେ ବିଚାରବିମର୍ଶ କରିବେ । ବୈଠକରେ ରାଷ୍ଟ୍ରୀୟ ଅଧ୍ୟକ୍ଷ ଭାବେ ନଡ୍ଡାଙ୍କ କାର୍ଯ୍ୟକାଳ ବୃଦ୍ଧି ସମ୍ପର୍କରେ ନିଷ୍ପତ୍ତି ନିଆଯାଇପାରେ ।
About Author
