ଟଳିପଡ଼ିଲେ ସାଂସଦ
ଭାରତ ଯୋଡ଼ ଯାତ୍ରାରେ ଅଘଟଣ
ଚଣ୍ଡିଗଡ, ୧୪ା୧: ରାହୁଲ ଗାନ୍ଧୀଙ୍କ ଭାରତ ଯୋଡ଼ ଯାତ୍ରାରୁ ଶନିବାର ଏକ ଦୁଃଖଦ ଖବର ଆସିଛି । ଯାତ୍ରାରେ ସାମିଲ ହୋଇଥିବା ବେଳେ ହୃଦ୍ଘାତରେ ଜଳନ୍ଧରର କଂଗ୍ରେସ ସାଂସଦ ଚୌଧରୀ ସନ୍ତୋଖ ସିଂହଙ୍କ ପରଲୋକ ଘଟିଛି । ଶନିବାର ସକାଳେ ପଞ୍ଜାବର ଜଳନ୍ଧର ଜିଲ୍ଲା ଅନ୍ତର୍ଗତ ଫିଲୌରଠାରେ ରାହୁଲଙ୍କ ପାଖେ ପାଖେ ଯାତ୍ରା କରୁଥିବା ସମୟରେ ସାଂସଦ ଚୌଧୁରୀଙ୍କ ହଠାତ୍ ଅସୁସ୍ଥ ହୋଇ ତଳେ ପଡିଯାଇଥିଲେ । ସେଠାରୁ ତାଙ୍କୁ ଆମ୍ବୁଲାନ୍ସ ଯୋଗେ ତୁରନ୍ତ ହସ୍ପିଟାଲ ନିଆଯିବା ବାଟରେ ସେ ଶେଷନିଶ୍ୱାସ ତ୍ୟାଗ କରିଥିଲେ ।
ଏହି ଖବର ଜଣାପଡିବା ପରେ ରାହୁଲ ଗାନ୍ଧୀ ଭାରତ ଯୋଡୋ ଯାତ୍ରା ସ୍ଥଗିତ ରଖି ହସ୍ପିଟାଲ ପହଞ୍ଚôଥିଲେ । ଖବର ଅନୁଯାୟୀ, ସକାଳେ ସାଂସଦଙ୍କ ସ୍ୱାସ୍ଥ୍ୟ ଠିକ୍ ଥିଲା । ମଞ୍ଚରେ ସେ ଭାଷଣ ମଧ୍ୟ ଦେବା ପରେ ରାହୁଲଙ୍କ ସହ ଚାଲିଥିଲେ । ତାମିଲନାଡୁରୁ ଆସିଥିବା ସାଂସଦ ଜ୍ୟୋତିଙ୍କୁ ଚାହିଁ ସନ୍ତୋଖ ସିଂହ ‘ଜ୍ୟୋତି ହାଓ ଆର୍ ୟୁ’ କହି ଅଚାନକ ତଳେ ପଡିଗଲେ । ରବିବାର ତାଙ୍କ ପୈତୃକ ଗ୍ରାମ ଧାଲିୱାଲଠାରେ ଅନ୍ତିମ ସଂସ୍କାର କରାଯିବ । ଭାରତ ଯୋଡ ଯାତ୍ରାକୁ ରବିବାର ପର୍ଯ୍ୟନ୍ତ ବନ୍ଦ କରାଯାଇଛ. ଅନ୍ତିମ ସଂସ୍କାର ପରେ ଆରମ୍ଭ ହେବ ।
About Author
