ଦୁର୍ଘଟଣାରେ ୨ ଯୁବକ ମୃତ
କାଳହେଲା ଘନ କୁହୁଡ଼ି
ଯାଜପୁର/ରସୁଲପୁର, ୧୪ା୧(ସ୍ୱପ୍ର/ଆପ୍ର): କୁଆଖିଆ ଥାନା ୧୬ନଂ ଜାତୀୟ ରାଜପଥର କ୍ରିଷ୍ଣା ହୋଟେଲ ସମ୍ମୁଖରେ ଶନିବାର ଭୋର ୪ଟା ସମୟରେ ଏକ ମର୍ମନ୍ତୁଦ ଦୁର୍ଘଟଣା ଘଟି ୨ ଯୁବକଙ୍କ ମୃତୁ୍ୟ ହୋଇଛି ଓ ୫ ଜଣ ଆହତ ହୋଇଛନ୍ତି । ଆହତକମାନଙ୍କ ମଧ୍ୟରୁ ୨ଜଣଙ୍କୁ ଗୁରୁତର ଅବସ୍ଥାରେ କଟକ ବଡ ଡାକ୍ତରଖାନାକୁ ସ୍ଥାନାନ୍ତର କରାଯାଇଛି । ପ୍ରାଣ ହରାଇଥିବା ୨ ଜଣ ହେଲେ ଜଗତସିଂହପୁର ଜିଲା ଏରସମା ଥାନା ଓଲର ଗ୍ରାମର ଦିପ୍ତପ୍ରଭା ପଣ୍ଡା (୩୦) ଓ ବିଶ୍ୱଜିତ ମାଇତି (୨୮) । ତପନ ଜେନା ଓ ପ୍ରକାଶ ସାମନ୍ତଙ୍କ୍ୁ କଯକ ନିଆଯାଇଛି । ଅନ୍ୟ ୩ ଜଣ ଧର୍ମଶାଳା ଡାକ୍ତରଖାନାରେ ଚିକିତ୍ସିତ ହେଉଛନ୍ତି । ଏକ ଏର୍ଟିଗା କାର (ନଂ-ଓଡି୦୫ବିଡି-୫୫୮୧) ରେ ୭ ବନ୍ଧୁ ଘଟଗାଁ ସ୍ଥିତ ମା’ ତାରିଣୀଙ୍କୁ ଦର୍ଶନ କରିବାକୁ ଯାଉଥିଲେ ।
କ୍ରିଷ୍ଣା ହୋଟେଲ ସମ୍ମୁଖ ରାଜପଥ ପାଶ୍ୱର୍ରେ ଏକ କୁକୁଡା ଦାନା ବୋଝେଇ ଟ୍ରକ ପାର୍କିଂ କରିଥିଲା । ଘନ କୁହୁଡି ଯୋଗୁଁ କାର ଚାଳକ ପାର୍କିଂ କରିଥିବା ଟ୍ରକ ସଂପର୍କରେ ଜାଣି ନ ପାରି ପଛପଟୁ ଜୋରରେ ଧକ୍କା ଦେଇଥିବା ଆଶଙ୍କା କରାଯାଉଛି । ଆଗସିଟ୍ରେ ବସିଥିବା ୨ ଜଣଙ୍କର ମୃତୁ୍ୟ ହୋଇଥିବା ବେଳେ ପଛ ସିଟ୍ରେ ବସିଥିବା ୫ଜଣ ଆହତ ହୋଇଥିଲେ । ଖବର ପାଇ କୁଆଖିଆ ଏସ୍ଆଇ ଦୁଷ୍ମନ୍ତ ଦାସ ସଦଳବଳ ଘଟଣା ସ୍ଥଳରେ ପହଞ୍ଚି ମୃତାହତମାନଙ୍କୁ ଉଦ୍ଧାର କରି ଧର୍ମଶାଳା ସ୍ୱାସ୍ଥ୍ୟକେନ୍ଦ୍ରକୁ ପଠାଇଥିଲେ । ଏ ନେଇ ଥାନାରେ କେସ୍ ନଂ-୨୨/୨୩ରେ ମାମଲା ରୁଜୁ କରାଯାଇ ତଦନ୍ତ ଚାଲିଛି । ଟ୍ରକକୁ ଜବତ କରାଯାଇଛି ।
About Author
