ଅସ୍କାର ନମିନେସନ୍
ଶ୍ରେଷ୍ଠ ଅଭିନେତା ସର୍ଟଲିଷ୍ଟ୍ରେ ଅନୁପମ ଖେର, ମିଥୁନ
ମୁମ୍ବାଇ, ୧ଠା୧: ଦ କଶ୍ମୀର ଫାଇଲ୍ସର ନିଦେ୍ର୍ଦଶକ ବିବେକ ଅଗ୍ନିହୋତ୍ରୀଙ୍କ ଖୁସିର ସୀମା ନାହିଁ । ତାଙ୍କ ଏହି ଫିଲ୍ମ ୯୫ତମ ଅସ୍କାର ପୁରସ୍କାର-୨୦୨୩ର ସର୍ଟଲିଷ୍ଟ୍ରେ ସ୍ଥାନ ପାଇଛି । ସେହିପରି ‘କାନ୍ତାରା’ ବି ପୁରସ୍କାର ପାଇଁ କ୍ୱାଲିଫାଏ କରିଛି । ଅନୁପମ୍ ଖେର୍, ମିଥୁନ ଚକ୍ରବର୍ତ୍ତୀ,
ପଲ୍ଲବୀ ଯୋଶୀ ଓ ଦର୍ଶନ କୁମାରଙ୍କୁ ଶ୍ରେଷ୍ଠ ଅଭିନେତା ବର୍ଗ ପୁରସ୍କାର ପାଇଁ ମଧ୍ୟ ଚୟନ କରାଯାଇଛି । ମଙ୍ଗଳବାର ଏ ସମ୍ବନ୍ଧୀୟ ତାଲିକା ଜାରି ହୋଇଛି । ଏଥର ଅସ୍କାର ପାଇଁ ବିଭିନ୍ନ ଦେଶର ୩୦୧ ଫିଚର ଫିଲ୍ମକୁ ଚୟନ କରାଯାଇଥିଲା । ସେଥିରୁ ଭାରତରେ ନିର୍ମିତ ୫ଟି ଫିଲ୍ମ ହେଉଛି ଏସ୍ଏସ୍ ରାଜମୌଲୀଙ୍କ ଆର୍ଆର୍ଆର୍, ଋଷଭ ସେଟ୍ଟୀଙ୍କ କାନ୍ତାରା, ସଂଜୟ ଲୀଲା ଭଂଶାଲୀଙ୍କ ଗଙ୍ଗୁବାଇ କାଠିୟାୱାଡି, ଗୁଜରାଟୀ ଫିଲ୍ମ ଦ ଲାଷ୍ଟ ଫିଲ୍ମ ସୋ’, ଛେଲୋ ସୋ’ ଏବଂ ଦ କଶ୍ମୀର ଫାଇଲ୍ସ ।
About Author
