ମହଙ୍ଗା ହେବ ୩୫ ସାମଗ୍ରୀ
ଆତ୍ମନିର୍ଭର ଭାରତ ପାଇଁ ଦୀର୍ଘମିଆଦୀ ଯୋଜନା
ନୂଆଦିଲ୍ଲୀ, ୯ା୧: ଅର୍ଥମନ୍ତ୍ରୀ ନିର୍ମଳା ସୀତାରମଣ ଫେବ୍ରୁଆରୀ ୧ରେ ୨୦୨୩-୨୪ ଆର୍ଥôକ ବର୍ଷ ପାଇଁ ସାଧାରଣ ବଜେଟ୍ ଉପସ୍ଥାପନ କରିବେ । ବଜେଟ୍ରେ ଅନେକ ସାମଗ୍ରୀ ଉପରେ ଆମଦାନୀ ଶୁଳ୍କ ବୃଦ୍ଧି ଘୋଷଣା କରାଯାଇପାରେ । ସୂତ୍ର ଅନୁଯାୟୀ, ୩୫ରୁ ଅଧିକ ସାମଗ୍ରୀର ଆମଦାନୀ ଶୁଳ୍କ ବଢିବ । ବିଭିନ୍ନ ମନ୍ତ୍ରାଳୟରୁ ମିଳିଥିବା ସୁପାରିସ ଆଧାରରେ ସରକାର ଏସବୁ ସାମଗ୍ରୀର ଗୋଟିଏ ତାଲିକା ତିଆରି କରିଛନ୍ତି । ଏଥିରେ ଘରୋଇ ଜେଟ୍, ହେଲିକପ୍ଟର, ଦାମୀ ବୈଦୁ୍ୟତିକ ଉପକରଣ, ପ୍ଲାଷ୍ଟିକ୍ ସାମଗ୍ରୀ, ଜୁଏଲେରୀ, ହାଇ-ଗ୍ଲସ୍ ପେପର ଓ ବିଭିନ୍ନ ଭିଟାମିନ୍ ଅନ୍ତର୍ଭୁକ୍ତ । ଆମଦାନୀ କମାଇବା ଓ ଦେଶରେ ଏସବୁ ସାମଗ୍ରୀର ଉତ୍ପାଦନ ବୃଦ୍ଧି ଉଦେ୍ଦଶ୍ୟରେ ସରକାର ଆମଦାନୀ ଶୁଳ୍କ ବଢାଇବାକୁ ଯାଉଛନ୍ତି । ଏହାଦ୍ୱାରା ଆତ୍ମନିର୍ଭର ଭାରତ ମିଶନକୁ ବଳ ମିଳିବ ବୋଲି କୁହାଯାଉଛି । ଗତବର୍ଷ ମଧ୍ୟ ବଜେଟ୍ରେ ଅନୁରୂପ ପଦକ୍ଷେପ ନିଆଯାଇଥିଲା ।
ଡିସେମ୍ବରରେ ବାଣିଜ୍ୟ ଓ ଶିଳ୍ପ ମନ୍ତ୍ରାଳୟ ବିଭିନ୍ନ ମନ୍ତ୍ରାଳୟକୁ ଅଣଜରୁରୀ ସାମଗ୍ରୀଗୁଡିକର ତାଲିକା ପ୍ରସ୍ତୁତି ପାଇଁ କହିଥିଲେ । ସେପ୍ଟେମ୍ବରରେ ଶେଷ ହୋଇଥିବା ତ୍ରିମାସରେ ଦେଶର କରେଣ୍ଟ୍ ଆକାଉଣ୍ଟ୍ କ୍ଷତି
(ସିଏଡି) ୯ ବର୍ଷର ସର୍ବୋଚ୍ଚ ସ୍ତରକୁ ଛୁଇଁଥିଲା । ତାହା ଥିଲା ଜିଡିପିର ୪.୪ ପ୍ରତିଶତ । ପୂର୍ବବର୍ତ୍ତୀ ତ୍ରିମାସରେ ସିଏଡି ୨.୨ ପ୍ରତିଶତ ଥିଲା । ବିଶ୍ୱସ୍ତରରେ ଅନେକ ସାମଗ୍ରୀର ମୂଲ୍ୟ କମିବା ସ୍ଥିତିରେ ଥିବାରୁ ଯଦିଓ ସିଏଡିକୁ ନେଇ ଚିନ୍ତା କମିଛି, ତଥାପି ସରକାର ରିକ୍ସ ନେବାକୁ ଚାହୁଁନାହାନ୍ତି । ତା’ର କାରଣ ନିକଟରେ ଆନ୍ତର୍ଜାତିକ ମୁଦ୍ରା ପାଣ୍ଠି (ଆଇଏମ୍ଏଫ୍) ପକ୍ଷରୁ ଚେତାବନୀ ଦିଆଯାଇଛି ଯେ ଚଳିତ ବର୍ଷ ପୃଥିବୀର ଏକ ତୃତୀୟାଂଶ ଦେଶରେ ଆର୍ଥôକ ମାନ୍ଦାବସ୍ଥା ଉପୁଜିବ । ଆମେରିକା ସମେତ ଅନେକ ୟୁରୋପୀୟ ଦେଶ ଏଥିରେ ଭାରାକ୍ରାନ୍ତ ହେବେ । ତାହାର ପ୍ରଭାବରୁ ଭାରତର ରପ୍ତାନୀ ଉପରେ ଚାପ ଲାଗି ରହିବ । ବିଶେଷଜ୍ଞଙ୍କ ମତରେ ଆସନ୍ତା ଆର୍ଥôକ ବର୍ଷରେ ସିଏଡି ଜିଡିପିର ୩.୨-୩.୪ ପ୍ରତିଶତ ହୋଇପାରେ । ରପ୍ତାନୀ ତୁଳନାରେ ସ୍ଥାନୀୟ ଚାହିଦା ଅଧିକ ରହିବ । ତେଣୁ ପ୍ରତି ମାସରେ ମର୍କାଣ୍ଡାଇଜ୍ ଟ୍ରେଡ୍ ଡେଫିସିଟି ୨୫ ବିଲିୟନ ଡଲାର ହୋଇପାରେ ଯାହାକି ଜିଡିପିର ୩.୨-୩.୪ ପ୍ରତିଶତ । ଆମଦାନୀ ଶୁଳ୍କ ବୃଦ୍ଧି ପ୍ରସ୍ତାବ ସରକାରଙ୍କ ଦୀର୍ଘମିଆଦୀ ଯୋଜନାର ଅଂଶବିଶେଷ । ସରକାର ସ୍ଥାନୀୟ ସ୍ତରରେ ପୂର୍ବୋକ୍ତ ଆମଦାନୀ ସାମଗ୍ରୀଗୁଡିକର ଉତ୍ପାଦନ ବୃଦ୍ଧି ଲକ୍ଷ୍ୟ ରଖିଛନ୍ତି । ୨୦୧୪ରେ ଆରମ୍ଭ ହୋଇଥିବା ମେକ୍-ଇନ୍-ଇଣ୍ଡିଆ କାର୍ଯ୍ୟକ୍ରମ । ତା’ପରଠୁ ଅନେକ ସାମଗ୍ରୀର ଆମଦାନୀ ଶୁଳ୍କ ବଢିଛି । ଗତବର୍ଷ ବଜେଟ୍ରେ ଇମିଟେସନ୍ ଜୁଏଲେରୀ, ଇୟର ଫୋନ୍ ଆଦି ଉପରେ ଆମଦାନୀ ଶୁଳ୍କ ବୃଦ୍ଧି କରାଯାଇଥିଲା । ତା ପୂର୍ବରୁ ସୁନାର ଆମଦାନୀ ଶୁଳ୍କ ବଢିଥିଲା ।
About Author
