ଅଟୋ-ପିକଅପ୍ ମୁହାଁମୁହିଁ: ୩ ମୃତ
ମର୍ମନ୍ତୁଦ ସଡ଼କ ଦୁର୍ଘଟଣା
ବାରିପଦା, ୯ା୧(ଆପ୍ର): ମୟୂରଭଞ୍ଜ ଜିଲ୍ଲା ବାରିପଦା- ଦେଉଳି ୧୯ନମ୍ବର ରାଜ୍ୟ ରାଜପଥର ବାଙ୍କିଶୋଳ ନିକଟରେ ଏକ ମର୍ମନ୍ତୁଦ ସଡ଼କ ଦୁର୍ଘଟଣା ଘଯିଛି । ଏଥିରେ ୩ ଯୁବକଙ୍କ ମୃତ୍ୟ ହୋଇଛି ଓ ୪ଜଣ ଆହତ ହୋଇଛନ୍ତି । ଆହତଙ୍କ ମଧ୍ୟରୁ ଜଣଙ୍କ ଅବସ୍ଥା ସଙ୍କଟାପନ୍ନ ରହିଛି । ମୃତ ଯୁବକମାନେ ହେଲେ ଶୁଲିଆପଦା ଥାନା ବଡ଼ନାଚନା ଗ୍ରାମର ଅଟୋ ·ଳକ ସୁରେନ୍ଦ୍ର ନାଏକ (୩୫), ଦିଲ୍ଲୀପ ନାଏକ (୩୦), କାଳିପଦ ନାଏକ (୨୫) । ଗ୍ରାମର ଜଗନ୍ନାଥ ନାଏକ (୪୦)ଙ୍କ ଅବସ୍ଥା ସଙ୍କଟାପନ୍ନ ରହିଛି ।
ସୋମବାର ଅପରାହ୍ଣରେ ଉପରୋକ୍ତ ୪ଜଣ ଅଟୋରେ ନିଜ ଗ୍ରାମରୁ ବେତନଟୀ ଅଭିମୁଖେ ଯାଉଥିଲେ । ଦିନ ପ୍ରାୟ ୨ଟା ସମୟରେ ବାଙ୍କୀସୋଲ ଠାରେ ବାରିପଦାରୁ ମିନେରାଲ ୱାଟର ବୋତଲ ବୋଝେଇ କରି ଆସୁଥିବା ପିକଅପ ଭ୍ୟାନ ଅଟୋକୁ ମୁଁହାମୁହିଁ ଧକ୍କା ଦେଇଥିଲା । ପିକ୍ଅପ୍ ·ଳକ କୁଳିଅଣା ଥାନା ବାଇଗଣବାଡ଼ିଆ ଅଞ୍ଚଳର ବିଶ୍ୱମ୍ବର ସିଂହ(୩୦)ଙ୍କ ସହିତ ତାଙ୍କର ଦୁଇ ସହଯୋଗୀ ମଧ୍ୟ ଆହତ ହୋଇଛନ୍ତି । ଖବର ପାଇ ସଦର ଥାନା ପୁଲିସ ଓ ବାରିପଦା ଅଗ୍ନିଶମ ବାହିନୀ ଘଟଣାସ୍ଥଳକୁ ଯାଇ ସମସ୍ତଙ୍କୁ ଉଦ୍ଧାର କରି ବାରିପଦା ପିଆର୍ଏମ୍ ୍ମେଡିକାଲ କଲେଜ ଓ ହସ୍ପିଟାଲରେ ଭର୍ତ୍ତି କରିଥିଲେ । ବାରିପଦା ସଦର ଥାନାରେ ଏକ ମାମଲା ରୁଜୁ କରିବା ସହ ଶବ ବ୍ୟବଚ୍ଛେଦ ଲାଗି ପଠାଇ ତଦନ୍ତ ଚଳାଇଛି ।
About Author
