ନବୀନ ନିବାସରେ ଭିଡ଼
ମୁଖ୍ୟମନ୍ତ୍ରୀଙ୍କୁ ଭେଟି ଶୁଭେଚ୍ଛା ଦେଲେ ନେତା-କର୍ମୀ
ଭୁବନେଶ୍ୱର (ବୁ୍ୟରୋ): ପଦ୍ମପୁର ଉପନିର୍ବାଚନରେ ବିପୁଳ ବିଜୟ ହାସଲ କଲା ପରେ ମୁଖ୍ୟମନ୍ତ୍ରୀ ନବୀନ ପଟ୍ଟନାୟକଙ୍କୁ ସନ୍ଧ୍ୟାରେ ଦଳୀୟ କର୍ମୀମାନେ ଭେଟିଛନ୍ତି । ବିଜେଡିର ନେତା ଓ କର୍ମୀମାନେ ବଡ଼ ଉତ୍ସାହର ସହ ମୁଖ୍ୟମନ୍ତ୍ରୀଙ୍କୁ ନବୀନ ନିବାସରେ ଭେଟିଛନ୍ତି । ଏହି ଅବସରରେ ମୁଖ୍ୟମନ୍ତ୍ରୀ ନେତା ଓ କର୍ମୀଙ୍କୁ ଉଦ୍ବେୋଧନ ଦେଇଛନ୍ତି । ଏଥିସହ ଭଲ କାମ ଜାରି ରଖିବାକୁ ପରାମର୍ଶ ଦେଇଛନ୍ତି । ସେ କହିଛନ୍ତି ଯେ, ଆପଣମାନଙ୍କୁ ବହୁତ ବହୁତ ଅଭିନନ୍ଦନ ଜଣାଉଛି । ଭଲ କାମ କରୁଛୁ । ଆଗକୁ ଭଲ କାମ କରିବୁ ।
ବିଜେଡି ଉପସଭାପତି ଦେବୀ ପ୍ରସାଦ ମିଶ୍ର ଗଣମାଧ୍ୟମର ପ୍ରତିନିଧିଙ୍କୁ କହିଛନ୍ତି ଯେ, ନବୀନ ପଟ୍ଟନାୟକ ପଦ୍ମପୁରବାସୀ, ନେତା ଓ କର୍ମୀଙ୍କୁ ଧନ୍ୟବାଦ ଜଣାଇଛନ୍ତି । ଏହି ଜନାଦେଶ ସମସ୍ତଙ୍କୁ ପ୍ରେରଣା ଦେଉ ବୋଲି ମୁଖ୍ୟମନ୍ତ୍ରୀ କହିଛନ୍ତି । ନବୀନବାବୁଙ୍କ ଉପରେ ବିଶ୍ୱାସ, ବିଜେଡି ଉପରେ ଭରସା ଓ ସ୍ୱର୍ଗତ ବିଜୟ ରଞ୍ଜନ ସିଂ ବରିହାଙ୍କ ଝିଅ ବର୍ଷା ସିଂଙ୍କୁ ପଦ୍ମପୁର ଭଲ ପାଉଛନ୍ତି । ପଦ୍ମପୁରରେ ବିକାଶ ହୋଇଛି । ଏଥି ପାଇଁ ପଦ୍ମପୁରବାସୀ ବିଜେଡିକୁ ଭୋଟ ଦେଇଛନ୍ତି ବୋଲି ଶ୍ରୀ ମିଶ୍ର କହିଛନ୍ତି । ସୂଚନାଯୋଗ୍ୟ, ପଦ୍ମପୁର ଉପନିର୍ବାଚନରେ ବିଜୟୀ ପ୍ରାର୍ଥୀ ବର୍ଷା ସିଂ ବରିହାଙ୍କ ସହ ଶ୍ରୀ ପଟ୍ଟନାୟକ ଟେଲିଫୋନ୍ ଯୋଗେ କଥା ହୋଇଛନ୍ତି ।
About Author
