କୋଣାର୍କ ପ୍ରେସ୍ କ୍ଲବ୍ର ବେଳାଭୂମି ପଦଯାତ୍ରା
କୋଣାର୍କ (ଆପ୍ର): ରାଜ୍ୟ ସରକାରଙ୍କ ପର୍ଯ୍ୟଟନ ବିଭାଗ ସହାୟତାରେ କୋଣାର୍କ ସାମ୍ବାଦିକ ସଂଘ ପକ୍ଷରୁ ବେଳାଭୂମି ପଦଯାତ୍ରା କାର୍ଯ୍ୟକ୍ରମ ଅନୁଷ୍ଠିତ ହୋଇଛି ।
କୋଣାର୍କ ସାମ୍ବାଦିକ ସଂଘର ସଭାପତି ଜ୍ୟୋତିରାଜ ମହାନ୍ତିଙ୍କ ଅଧ୍ୟକ୍ଷତାରେ ଅନୁଷ୍ଠିତ ଏହି କାର୍ଯ୍ୟକ୍ରମରେ ମୁଖ୍ୟ ଅତିଥି ଭାବେ ପୂର୍ବତନ ବିଧାୟକ ତଥା ବରିଷ୍ଠ ପରିବେଶବିତ ଡଃ ଦିଲ୍ଲୀପ ଶ୍ରୀଚନ୍ଦନ ଯୋଗଦେଇ ଚନ୍ଦ୍ରଭାଗା ବେଳାଭୂମିଠାରୁ ଏହି ବେଳାଭୂମି ପଦଯାତ୍ରାକୁ ଶୁଭାରମ୍ଭ କରିଥିଲେ । କାର୍ଯ୍ୟକ୍ରମରେ କୋଣାର୍କ ଅଞ୍ଚଳର ବିଭିନ୍ନ ସ୍କୁଲ୍ ଓ ସଂଗଠନର ୧୦୦ଜଣ ପ୍ରତିଯୋଗୀ ଅଂଶଗ୍ରହଣ କରି ଚନ୍ଦ୍ରଭାଗା ବେଳାଭୂମି ଠାରୁ ପଦଯାତ୍ରା କରି ସାହୁଖଣତା ପର୍ଯ୍ୟନ୍ତ ଦୀର୍ଘ ୨କିମି ପଦଯାତ୍ରା କରିଥିଲେ ।
ସାହୁଖଣତା ସ୍ଥିତ ଇକୋ ରିଟ୍ରିଟ ସନ୍ନିକଟ ବେଳାଭୂମିରେ ପଦଯାତ୍ରା ସମ୍ପର୍କରେ ସଚେତନତା ସଭା ଅନୁଷ୍ଠିତ ହୋଇଥିଲା । ସାମାଜିକ କର୍ମୀ ତଥା ଶିକ୍ଷାବିତ୍ ରାମକୃଷ୍ଣ ମହାନ୍ତିଙ୍କ ଅଧ୍ୟକ୍ଷତାରେ ଅତିଥି ଭାବେ ପୂର୍ବତନ ବିଧାୟକ ତଥା ପରିବେଶବିତ ଡଃ ଦିଲ୍ଲୀପ ଶ୍ରୀଚନ୍ଦନ, କୋଣାର୍କ ଥାନା ଅଧିକାରୀ ରଞ୍ଜନ କୁମାର ମଲ୍ଲିକ, କୋଣାର୍କ ଜବାହର ନବୋଦୟ ବିଦ୍ୟାଳୟ ଅଧ୍ୟକ୍ଷ ନୃସିଂହ ଚରଣ କର, ପୁରୀ ଜିଲ୍ଲା ଯାଦବ ମହାସଂଘର ସଭାପତି ଗୋପାଳ ଚନ୍ଦ୍ର ବେହେରା, କୋଣାର୍କ ସାହିତ୍ୟ ସଂସଦର ସଂପାଦକ ରବିନ୍ଦ୍ର ନାଥ ବାହିନୀପତି, କୋଣାର୍କ ମେଡିକାଲର ଡାକ୍ତର ବିଧୂଭୂଷଣ ନାୟକ, ଚମ୍ପାହର ଅଗ୍ନିଶମ ଅଧିକାରୀ ଜ୍ୟୋତି ପ୍ରକାଶ ରଥ, କୋଣାର୍କ କିନ୍ନର ସଂଘ ସଭାପତି ମୀରା କିନ୍ନର, ଅଚୁ୍ୟତପୁର ସରପଞ୍ଚ ରଶ୍ମିତା ଶତପଥୀ, ବନାଖଣ୍ଡି ସରପଞ୍ଚ ପ୍ରଜ୍ଞା ପାରମିତା ନାୟକ ଓ ଯୁବ ସଂଗଠକ ସୁଶାନ୍ତ କୁମାର ବେଉରା ପ୍ରମୁଖ ଉପସ୍ଥିତ ଥିଲେ ।
About Author
