ଋତୁରାଜଙ୍କ ରେକର୍ଡ
ଗୋଟିଏ ଓଭର୍ରେ ୭ ଛକା
ଅହମଦାବାଦ, ୨୮ା୧୧ (ଏଜେନ୍ସି): ଯୁବ ବ୍ୟାଟର୍ ଋତୁରାଜ ଗାଏକୱାଡ୍ ସୋମବାର ଇତିହାସ ରଚିଛନ୍ତି । ଋତୁରାଜ ବିଜୟ ହଜାରେ ଟ୍ରଫିରେ ମହାରାଷ୍ଟ୍ର ପକ୍ଷରୁ ଖେଳି ଉତ୍ତର ପ୍ରଦେଶ ବିପକ୍ଷରେ ମ୍ୟାଚ୍ର ଗୋଟିଏ ଓଭର୍ରେ ୭ ଛକା ମାରିଛନ୍ତି । ଲିଷ୍ଟ-ଏ କ୍ରିକେଟ୍ରେ ଏହି ଉପଲବ୍ଧି ହାସଲ କରିବାରେ ସେ ବିଶ୍ୱର ପ୍ରଥମ ବ୍ୟାଟର୍ ହୋଇପାରିଛନ୍ତି ।
ମହାରାଷ୍ଟ୍ର ଇନିଂସ୍ର ୪୯ତମ ଓଭର୍ରେ ସେ ଏହି ଉପଲବ୍ଧି ହାସଲ କରିଥିଲେ । ଶିବା ସିଂହଙ୍କ ଏହି ଓଭର୍ରେ ଗୋଟିଏ ବଲ୍ ନୋ ଥିଲା । ଫଳରେ ସେ ୭ ବଲ୍ ପକାଇଥିଲେ ଏବଂ ଋତୁରାଜ ସମସ୍ତ ୭ ବଲ୍ରେ ଛକା ମାରିଥିଲେ । ଏହି ଓଭର୍ରେ ମୋଟ୍ ୪୩ ରନ୍ ହୋଇଥିଲା ।
ଗାଏକୱାଡ଼ ୧୫୯ ବଲ୍ ଖେଳି ୨୨୦ ରନ୍ କରିଥିଲେ । ତାଙ୍କ ଇନିଂସ୍ରେ ୧୦ ଚୌକା ଓ ୧୬ ଛକା ରହିଥିଲା । ତାଙ୍କର ଏହି ଇନିଂସ୍ ବଳରେ ମହାରାଷ୍ଟ୍ର ୫୦ ଓଭର୍ରେ ୫ ୱିକେଟ୍ ହରାଇ ୩୩୦ ରନ୍ ସଂଗ୍ରହ କରିଥିଲା ।
About Author
