ଖଳାରେ ନିଆଁ ଲାଗି ଜଳିଗଲା ୩୦ କ୍ୱିଣ୍ଟାଲ ଧାନ
ଛେଣ୍ଡିପଦା (ଆପ୍ର): ଅନୁଗୋଳ ଜିଲ୍ଲା ଛେଣ˜ିପଦା ଥାନା ଅନ୍ତର୍ଗତ ସନ୍ତରାବନ୍ଧ ଗ୍ରାମରେ ବିଳମ୍ବିତ ରାତିରେ ଧାନ ଖଳାରେ ନିଆଁଲାଗି ୩୦ କ୍ୱିଣ୍ଟାଲରୁ ଅଧିକ ଧାନ ପୋଡି ନଷ୍ଟ ହୋଇଯାଇଛି । ଘଟଣାରୁ ପ୍ରକାଶ ଯେ ସନ୍ତରାବନ୍ଧ ଗ୍ରାମର ଟୁନା ସାହୁ ବିଲରୁ ଧାନ ଅମଳ କରି ଘର ନିକଟସ୍ଥ ଖଳାରେ ଧାନ ରଖିଶୋଇଥିଲେ । ବିଳମ୍ବିତ ରାତିରେ କୌଣସି କାରଣରୁ ଧାନ ଖଳାରେ ନିଆଁ ଲାଗି ଯାଇଥିଲା । ଫଳରେ ଏହାଦେଖି ଟୁନା ସାହୁ ପାଟି କରିବାରୁ ଗ୍ରାମବାସୀ ଡାକିଥିଲେ । ଗ୍ରାମବାସୀ ଦୌଡି ଆସି ନିଆଁକୁ ଆୟତ୍ତ କରିବାକୁ ଚେଷ୍ଟା କରିଥିଲେ ମଧ୍ୟ ଅଗ୍ନି କାଣ୍ଡରେ ଟୁନା ସାହୁଙ୍କର ଗୋଟିଏ ବର୍ଷର ୩୦ କ୍ୱିଣ୍ଟାଲରୁ ଅଧିକ ଧାନ ପୋଡି ନଷ୍ଟ ହୋଇଯାଇଥିଲା । ପୋଡି ଯାଇଥିବା ଧାନର ଆନୁମାନିକ ମୂଲ୍ୟ ୭୦ ହଜାର ଟଙ୍କାରୁ ଉର୍ଦ୍ଧ୍ୱ ହେବ ବୋଲି ଜଣାପଡିଛି । ତେବେ ଏହି ଅଗ୍ନିକାଣ୍ଡ କେଉଁ କାରଣରୁ ହୋଇଛି ତାହା ସ୍ପଷ୍ଟ ହୋଇ ନଥିବାବେଳେ ପ୍ରଶାସନ ପକ୍ଷରୁ ତୁରନ୍ତ ଆକଳନ କରି ସହାୟତା ଯୋଗାଇ ଦେବା ପାଇଁ ଗ୍ରାମବାସୀ ଦାବି କରିଛନ୍ତି ।
About Author
