ଶିଶୁମନ୍ଦିର ଭାଙ୍ଗିଲେ ହାତୀପଲ
ବୈଶିଙ୍ଗା/ବେତନଟୀ (ଆପ୍ର): ରବିବାର ବିଳମ୍ବିତ ରାତିରେ ହାତୀପଲ ନଡପୁର ସରସ୍ୱତୀ ଶିଶୁ ବିଦ୍ୟାମନ୍ଦିରରେ ପଶି ଭଙ୍ଗାରୁଜା କରିଛନ୍ତି । ସୋମବାର ପୂର୍ବାହ୍ନ ପ୍ରାୟ ୧୦.୩୦ରେ ରେଞ୍ଜର ଘନଶ୍ୟାମ ସିଂ, ବନପାଳ ପ୍ରଶାନ୍ତ ସିଂସାମନ୍ତ ପ୍ରମୁଖ ଅଧିକାରୀଗଣ କ୍ଷତିର ଆକଳନ କରିବା ସହ ସ୍କୁଲ୍ କର୍ତ୍ତୃପକ୍ଷ ଓ ଗ୍ରାମବାସୀଙ୍କ ସହିତ ଆଲୋଚନା କରିଛନ୍ତି ।
ସୂଚନା ମୁତାବକ କଇଁଫୁଲିଆ, ଫୁଲଝରି ଦେଇ ଜଙ୍ଗଲକୁ ପଳାଇ ଆସିଥିବା ୬୪ ଟିକିଆ ହାତୀପଲ ରବିବାର ଅପରାହ୍ନରେ ଜଙ୍ଗଲରୁ ବାହାରି ଧାନଫସଲ ଖାଇଥିଲେ । ପରେ ହାତୀପଲ ବିଶ୍ରାମପୁର ଅଭିମୁଖେ ଅଗ୍ରସର ହୋଇ ନଡ଼ପୁର ଜଙ୍ଗଲରେ ପ୍ରବେଶ କରିବା ସହ ରାତି ପ୍ରାୟ ତିନିଟା ମଧ୍ୟରେ ନଡପୁର ସରସ୍ୱତୀ ଶିଶୁ ବିଦ୍ୟା ମନ୍ଦିରରେ ପଶି ସ୍କୁଲ୍ କାନ୍ଥ ଏବଂ ଶ୍ରେଣୀଗୃହଗୁଡ଼ିକୁ ଭାଙ୍ଗି ଦେଇଛନ୍ତି । ଶିଶୁଦିବସ ପାଇଁ ସ୍କୁଲରେ ସ୍ୱତନ୍ତ୍ର କାର୍ଯ୍ୟକ୍ରମର ଆୟୋଜନ ହୋଇଥିଲେ ମଧ୍ୟ ସ୍କୁଲର ଏଭଳି ଦୂରାବସ୍ଥା ପାଇଁ କାର୍ଯ୍ୟକ୍ରମ ସ୍ଥଗିତ ରହିଥିଲା । ବନବିଭାଗର ଏଭଳି ବେପରୁଆ ମନଭାବକୁ ଅଭିଭାବକମାନେ ତୀବ୍ର ନିନ୍ଦା କରିଛନ୍ତି ।
About Author
