ପାଇଲଟ୍ ସମେତ ୭ ମୃତ
କେନଦାନାଥରେ ହେଲିକପ୍ଟର କ୍ରାସ୍
ଡେରାଡୁନ୍, ୧୮ା୧୦: ଉତ୍ତରାଖଣ୍ଡର କେଦାରନାଥ ଧାମରେ ମଙ୍ଗଳବାର ପୂର୍ବାହ୍ନରେ ଏକ ହେଲିକପ୍ଟର ଦୁର୍ଘଟଣାଗ୍ରସ୍ତ ହୋଇଛି । ସେଥିରେ ପାଇଲଟ୍ ସମେତ ୭ଜଣଙ୍କ ମୃତୁ୍ୟ ହୋଇଛି । କେଦାରନାଥଠାରୁ ୨କି.ମି. ଦୂର ଗରୁଡଚଟ୍ଟୀଠାରେ ଖରାପ ପାଗ ତଥା ଓ ଘନ କୁହୁଡି ଯୋଗୁଁ ଦୁର୍ଘଟଣା ଘଟିଥିବା ଜଣାପଡିଛି ।
ଆର୍ୟନ୍ ଆଭିଏସନ୍ର ଏହି ହେଲିକପ୍ଟର କେଦାରନାଥରୁ ଶ୍ରଦ୍ଧାଳୁମାନଙ୍କ ସହ ଫେରୁଥିଲା । ପ୍ରତ୍ୟକ୍ଷଦର୍ଶୀ ବିବରଣୀ ଅନୁଯାୟୀ ମଙ୍ଗଳବାର ଅଚାନକ ପାଗ ପରିବର୍ତ୍ତନ ଘଟି କେଦାରନାଥ ଇଲାକାରେ ପ୍ରବଳ ବର୍ଷା ଓ ଘନକୁହୁଡି ହୋଇଥିଲା । ହେଲିକପ୍ଟରଟି ଗରୁଡଚଟ୍ଟୀଠାରେ ତଳକୁ ଖସି ପଡିବା ମାତ୍ରେ ପ୍ରଚଣ୍ଡ ବିସ୍ଫୋରଣ ସହ ସେଥିରେ ନିଆଁ ଲାଗିଯାଇଥିଲା । ଅନୀଲ୍ ସିଂ ନାମକ ପାଇଲଟ୍ ସେ ସମୟରେ ହେଲିକପ୍ଟର ଉଡାଉଥିଲେ । ମୃତକଙ୍କ ମଧ୍ୟରେ ଗୁଜୁରାଟ ଭାବନଗରର ୨ ଭଉଣୀ ସମେତ ୩ ମହିଳା ଅନ୍ତର୍ଭୁକ୍ତ ।
ସୂଚନା ମିଳିବା ମାତ୍ରେ ଏସ୍ଡିଆର୍ଏଫ୍ ଓ ଏନ୍ଡିଆର୍ଏଫ୍ ଟିମ୍ ସେଠାରେ ପହଞ୍ଚôଥିଲେ । କିନ୍ତୁ ପ୍ରତିକୂଳ ପାଗ ସେମାନଙ୍କୁ ବାଧା ଦେଇଥିଲେ । ପ୍ରତ୍ୟେକ ମୃତକଙ୍କୁ ପାଇଁ ୪ଲକ୍ଷ ଟଙ୍କା ଲେଖାଏଁ ଅନୁକମ୍ପା ରାଶି ଘୋଷଣା କରାଯାଇଛି ।
About Author
