୫୬ ନଂ ଜୋନ୍ରେ ବିଜେଡିର ଜନସଂପର୍କ ପଦଯାତ୍ରା
ଶେରଗଡ଼ (ଆପ୍ର): ସୋମବାର ଶେରଗଡ଼ ବ୍ଲକ ଅନ୍ତର୍ଗତ ମହୁପଦର, କୁଲାଗଡ଼, ଖିରିଡ଼ା, ବନ୍ଧାଗୁଡ଼ା, ବରମୁଣ୍ଡୁଳି, କରଡ଼ାକଣା, କୁମାରପାଣି ଓ ଶେରଗଡ଼ ପଞ୍ଚାୟତର ସମସ୍ତ ଗ୍ରାମରେ ବିଜେଡି ପକ୍ଷରୁ ବିଶାଳ ଜନସଂପର୍କ ପଦଯାତ୍ରା ଅନୁଷ୍ଠିତ ହୋଇଯାଇଛି । ଶେରଗଡ଼ ବ୍ଲକ ଯୁବ ବିଜେଡି ସଭାପତି ସନ୍ତୋଷ କୁମାର ପଟ୍ଟନାୟକଙ୍କ ସଂଯୋଜନାରେ ଅନୁଷ୍ଠିତ କାର୍ଯ୍ୟକ୍ରମରେ ମୁଖ୍ୟମନ୍ତ୍ରୀଙ୍କ ଡିଆର୍ଡିଏ ପ୍ରତିନିଧି ଶରତ ଚନ୍ଦ୍ର ମହାପାତ୍ର ଯୋଗଦେଇ ଚାରି ଛକଠାରେ ବିଜୁ ବାବୁଙ୍କ ପ୍ରତିମୂର୍ତ୍ତିରେ ପୁଷ୍ପମାଲ୍ୟାର୍ପଣ କରି ପଦଯାତ୍ରାର ଶୁଭାରମ୍ଭ କରିଥିଲେ । ଏହି ଅବସରରେ ରାଜ୍ୟ ସରକାରଙ୍କ ବହୁମୁଖୀ ବିକାଶମୂଳକ ଯୋଜନାର ସୁଫଳ ଯେପରି ସମସ୍ତ ବର୍ଗର ଲୋକଙ୍କ ନିକଟରେ ପହଞ୍ଚି ପାରିବ ସେନେଇ ଦଳୀୟ ନେତୃବୃନ୍ଦ ଆଲୋକପାତ କରିଥିଲେ । ଏହି ଜନସଂପର୍କ ପଦଯାତ୍ରାରେ ବ୍ଲକ ଅଧ୍ୟକ୍ଷ କୃଷ୍ଣଚନ୍ଦ୍ର ନାୟକ, ବ୍ଲକ ବିଜେଡି ସଭାପତି ଶରତ ପାତ୍ର, ଆସିକା ସମବାୟ ଚିନିଶିଳ୍ପ ପୂର୍ବତନ ନିର୍ଦେଶକ ବିପିନ ବିହାରୀ ପାତ୍ର, ପୂର୍ବତନ ବ୍ଲକ ସଭାପତି ଦିଗାମ୍ବର ନାହାକ, ହୀନ ବେହେରା, ପୂର୍ବତନ ଜିଲ୍ଲା ପରିଷଦ ସଭ୍ୟ ପ୍ରମୋଦ କୁମାର ପାତ୍ର, ବରିଷ୍ଠ ନେତା ମେଘନାଦ ଦାସ, ପୂର୍ବତନ ଜିଲ୍ଲା ପରିଷଦ ସଭୁ୍ୟ ଉଦୟନାଥ ପ୍ରଧାନଙ୍କ ସହ ବ୍ଲକର ସମସ୍ତ ସରପଞ୍ଚ,ସମିତି ସଭ୍ୟ ଓ ଶତାଧିକ କର୍ମୀ ଉପସ୍ଥିତ ଥିଲେ ।
About Author
