ମହାପ୍ରଭୁଙ୍କ କୋଠଭୋଗ ପାଇଁ ନଡ଼ିଆ ସଂଗ୍ରହ
ପିପିଲି (ଆପ୍ର): କାର୍ତ୍ତିକ ମାସରେ ମହାପ୍ରଭୁ ଜଗନ୍ନାଥଙ୍କ କୋଠଭୋଗ ପାଇଁ ପିପିଲିରୁ ନଡିଆ ସଂଗ୍ରହ କାର୍ଯ୍ୟ ଆରମ୍ଭ ହୋଇଛି । ପିପିଲି ଗତିଶ୍ୱରଦେବଙ୍କ ପୀଠରୁ ପ୍ରତିବର୍ଷ କୋଠଭୋଗ ନିମନ୍ତେ ପୁରୀ ଜଗନ୍ନାଥଙ୍କ ନିକଟକୁ ନଡିଆ ପଠାଯାଉଥିବା ବେଳେ ଚଳିତ ବର୍ଷ ପାଇଁ ଗୋବର୍ଦ୍ଧନପୁରରୁ ନଡିଆ ସଂଗ୍ରହ ଅଭିଯାନ ମଙ୍ଗଳବାର ଆରମ୍ଭ କରାଯାଇଛି । ଜଗନ୍ନାଥ ପ୍ରେମୀ ଓ ଭକ୍ତ ପୁର୍ଣ୍ଣଚନ୍ଦ୍ର ସାହୁଙ୍କ ତତ୍ତ୍ୱାବଧାନରେ ଗ୍ରାମବାସୀଙ୍କ ସହଯୋଗରେ ଆଖପାଖ ଗ୍ରାମ ପରିକ୍ରମା କରାଯାଇ ନଡିଆ ସଂଗ୍ରହ କରାଯାଇଛି । ଏହି କାର୍ଯ୍ୟକ୍ରମ କୁମାରପୁର୍ଣ୍ଣିମା ପର୍ଯ୍ୟନ୍ତ ଚାଲିବ ବୋଲି ଜଗନ୍ନାଥ ପ୍ରେମୀ ପୁର୍ଣ୍ଣଚନ୍ଦ୍ର କହିଛନ୍ତି । ୨୦୧୫ରୁ ଶ୍ରୀମନ୍ଦିର ପ୍ରଶାସନ ଅନୁମୋଦନ କ୍ରମେ କାର୍ତ୍ତିକରେ ମହାପ୍ରଭୁଙ୍କ କୋଠଭୋଗ ପାଇଁ ପିପିଲିରୁ ଭକ୍ତମାନେ ଶହଶହ ନଡିଆ ପଠାଇଥାନ୍ତି । ପ୍ରଭୁ ଜଗନ୍ନାଥଙ୍କ କୋଠଭୋଗ ପାଇଁ ନଡିଆ ସଂଗ୍ରହ କାର୍ଯ୍ୟରେ ଶ୍ରଦ୍ଧାଳୁମାନେ ନିଜକୁ ନିୟୋଜିତ କରି ଭାଗ୍ୟବାନ ମନେ କରିଛନ୍ତି ।
About Author
