କୁବେରପୁର-ବାହାବଳପୁର ରାସ୍ତା ବେହାଲ୍
ତିହିଡ଼ି (ଆପ୍ର): ତିହିଡ଼ି ବ୍ଲକ୍ ଅଧୀନ ବାହାବଳପୁର ପଞ୍ଚାୟତର କୁବେରପୁର-ବାହାବଳପୁର ରାସ୍ତା ଅବସ୍ଥା ଶୋଚନୀୟ ହୋଇପଡ଼ିଛି । ଏହା ଗୁୁରୁତ୍ୱପୂର୍ଣ୍ଣ ରାସ୍ତା ହୋଇଥିବା ବେଳ ଏହାର ତୁରନ୍ତ ନିର୍ମାଣ ପାଇଁ ଦାବି କରିଛନ୍ତି ସ୍ଥାନୀୟ ଆଖଣ୍ଡଳମଣୀ କ୍ଲବ୍ର ସଭାପତି ଗଣେଶ କୁମାର ବେହେରାଙ୍କ ସମେତ ଅନ୍ୟ ସଭ୍ୟସଭ୍ୟା ।
ଅଭିଯୋଗ ଅନୁଯାୟୀ,ଗ ତିହିଡ଼ିରୁ ହତାଶିଆ ପର୍ଯ୍ୟନ୍ତ ଲମ୍ବିଥିବା ଗ୍ରାମ୍ୟ ଉନ୍ନୟନ ବିଭାଗ ରାସ୍ତା ଉପରେ ଉଭୟ ତିହିଡ଼ି ଓ ବାସୁଦେବପୁର ବ୍ଲକ୍ର ଅଧିବାସୀ ନିର୍ଭର କରିଥା’ନ୍ତି । ତେବେ କୁବେରପୁରରୁ ହତାଶିଆ ପର୍ଯ୍ୟନ୍ତ ରାସ୍ତାଟି ଖରାପ ହୋଇଥିବାରୁ ଯାନବାହନ ଚଳାଚଳ କରିବା କଷ୍ଟକର ହୋଇପଡ଼ିଛି । ଭାରିଯାନ ଚଳାଚଳ କରିବା ଫଳରେ ରାସ୍ତା ବହୁ ସ୍ଥାନରେ ଦବି ଯାଇଛି । ବର୍ଷା ଦିନରେ ପାଣି ମଧ୍ୟ ଜମି ରହୁଛି । ବାଇକ୍ ଓ ସାଇକେଲ ଆରୋହୀ ଅଧିକାଂଶ ସମୟରେ ଦୁର୍ଘଟଣାରେ ଶିକାର ହେଉଥିବା ଅଭିଯୋଗ ହେଉଛି । ଆମ୍ବୁଲାନ୍ସ ଓ ଦମକଳ ଏହି ରାସ୍ତା ଉପରେ ଯା’ଆସ କରିବା କଷ୍ଟକର ହୋଇପଡ଼ୁଛି । ସ୍କୁଲ୍ ଓ କଲେଜ ଯାଉଥିବା ପିଲାମାନେ ସମସ୍ୟାରେ ପଡ଼ୁଛନ୍ତି ।
ବିଶେଷ କରି ବାହାବଳପୁର ପଞ୍ଚାୟତର କୁବେରପୁର, ବାହାବଳପୁର, ପରମାନନ୍ଦପୁର, ମାଟିଆସାହି, ବାସୁଦେବପୁର ବ୍ଲକର ଜଗନ୍ନାଥପୁର, ବାଲିମେଦ ଆଦି ପଞ୍ଚାୟତର ଅଧିବାସୀ ଏହି ରାସ୍ତା ଉପରେ ତିହିଡ଼ିକୁ ଯା’ଆସ କରିବା ପାଇଁ ନିର୍ଭର କରିଥା’ନ୍ତି ।
About Author
