ସ୍ୱିଆତେକଙ୍କୁ ପ୍ରଥମ ୟୁଏସ୍ ଓପନ୍ ମୁକୁଟ
ନୁ୍ୟୟର୍କ, ୧୧ା୯ (ଏଜେନ୍ସି): ଏଥର ୟୁଏସ୍ ଓପନ୍କୁ ମିଳିଛି ମହିଳା ଏକକରେ ନୂଆ ବିଜୟିନୀ । ଶନିବାର ରାତିରେ ଆର୍ଥର ଆଶ୍ ଷ୍ଟାଡିୟମ୍ରେ ଖେଳାଯାଇଥିବା ମହିଳା ଏକକ ଫାଇନାଲ୍ରେ ବିଶ୍ୱର ଏକ ନମ୍ବର ଖେଳାଳି ପୋଲାଣ୍ଡର ଇଗା ସ୍ୱିଆତେକ ଟୁ୍ୟନିସିଆର ଓନ୍ସ ଜାବିଉର୍ଙ୍କୁ ୬-୨, ୭-୬ରେ ହରାଇ ପ୍ରଥମ ଥର ୟୁଏସ୍ ଓପନ୍ ବିଜୟିନୀ ହୋଇଛନ୍ତି । ତାଙ୍କ କ୍ୟାରିଅରର ଏହା ତୃତୀୟ ଗ୍ରାଣ୍ଡ୍ସ୍ଲାମ୍ । ଏହା ପୂର୍ବରୁ ସେ ଦୁଇ ଥର ଫ୍ରେଞ୍ଚ୍ ଓପନ୍ ମୁକୁଟ ଜିତିଥିଲେ । ତେବେ ହାର୍ଡକୋର୍ଟରେ ସେ ପ୍ରଥମ ମେଜର୍ ମୁକୁଟ ଜିତିଛନ୍ତି ।
ଇଗା ଏହି ମ୍ୟାଚ୍ ଆରମ୍ଭରୁ ବିିଜୟିନୀ ଭଳି ଖେଳିଥିଲେ ଏବଂ ପ୍ରଥମ ସେଟ୍କୁ ୬-୨ ବ୍ୟବଧାନରେ ସହଜରେ ଜିତିଥିଲେ । ତେବେ ଦ୍ୱିତୀୟ ସେଟ୍ରେ ଜାବିଉର୍ ତାଙ୍କୁ ଚାଲେଞ୍ଜ୍ ଦେଇଥିଲେ । କିନ୍ତୁ ସ୍ୱିଆତେକ ହାର୍ ମାନି ନ ଥିଲେ ଏବଂ ସଂଘର୍ଷପୂର୍ଣ୍ଣ ଖେଳ ଦେଖାଇ ୭-୬ରେ ବାଜିମାତ୍ କରିଥିଲେ । ଏଥିସହିତ ତାଙ୍କର ପ୍ରଥମ ଥର ୟୁଏସ୍ ଓପନ୍ ମୁକୁଟ ଜିତିବାର ସ୍ୱପ୍ନ ସାକାର ହୋଇଥିଲା । ୨୧ବର୍ଷୀୟା ସ୍ୱିଆତେକ ଏହି ମୁକୁଟ ଜିତିବାରେ ପ୍ରଥମ ପୋଲିଶ୍ ଖେଳାଳି ।
ଜାବିଉର୍ ମଧ୍ୟ ପ୍ରଥମ ଥର ଏହି ମୁକୁଟ ଜିତିବା ଲକ୍ଷ୍ୟରେ ଖେଳିଥିଲେ । ପରାଜୟ ସତ୍ତ୍ୱେ ସେ ନୂଆ ର୍ୟାଙ୍କିଙ୍ଗ୍ରେ ଦ୍ୱିତୀୟ ସ୍ଥାନକୁ ଫେରିବେ ।
ଏଥି ପୂର୍ବରୁ ସେମିଫାଇନାଲ୍ ମୁକାବିଲାରେ ସ୍ୱିଆତେକ ଷଷ୍ଠ ସିଡ୍ ବେଲାରୁଷ୍ର ଆର୍ଯ୍ୟନା ସାବାଲେଙ୍କାଙ୍କୁ ୩-୬, ୬-୧, ୬-୪ରେ ହରାଇ ଲଗାତାର ତୃତୀୟ ଗ୍ରାଣ୍ଡ୍ସ୍ଲାମ୍ ଫାଇନାଲ୍ରେ ପ୍ରବେଶ କରିଥିଲେ । ଅନ୍ୟପଟେ, ପଞ୍ଚମ ସିଡ୍ ଜାବିଉର୍ ଫ୍ରାନ୍ସର କାରୋଲିନ୍ ଗାର୍ସିଆଙ୍କୁ ୬-୧, ୬-୩ ସେଟ୍ରେ ମାତ୍ ଦେଇଥିଲେ ।
ž ଗୋଟିଏ ସିଜନ୍ରେ ଦୁଇ ମେଜର୍ ଜିତିବାରେ ଦ୍ୱିତୀୟ ଖେଳାଳି
ଇଗା ସ୍ୱିଆତେକ ଚଳିତ ବର୍ଷ ୩୮ ମ୍ୟାଚ୍ ଓ ସାତ ଟୁର୍ଣ୍ଣାମେଣ୍ଟ ଖେଳିଛନ୍ତି । ଆଞ୍ଜେଲିକ୍ କର୍ବରଙ୍କ ପରେ ସ୍ୱିଆତେକ ଦ୍ୱିତୀୟ ମହିଳା ଖେଳାଳି ଭାବେ ଗୋଟିଏ ସିଜନ୍ରେ ଦୁଇଟି ଗ୍ରାଣ୍ଡ୍ସ୍ଲାମ୍ ଟ୍ରଫି ଜିତିଛନ୍ତି । ୟୁଏସ୍ ଓପନ୍ ପୂର୍ବରୁ ସେ ଚଳିତ ସିଜନ୍ରେ ଫ୍ରେଞ୍ଚ୍୍ ଓପନ୍ରେ ବିଜୟିନୀ ହୋଇଥିଲେ ।
ž ଜାବିଉର୍ଙ୍କୁ ଟପିଲେ ସ୍ୱିଆତେକ
ଏହି ଫାଇନାଲ୍ ପୂର୍ବରୁ ଇଗା ସ୍ୱିଆତେକ ଓ ଜାବିଉର୍ ଚାରି ଥର ମୁହାଁମୁହିଁ ହୋଇଥିଲେ । ଉଭୟ ଖେଳାଳି ଦୁଇଟି ଲେଖାଏଁ ମ୍ୟାଚ୍ ଜିତି ସମାନ ସ୍ତରରେ ଥିଲେ । ୟୁଏସ୍ ଓପନ୍ ଫାଇନାଲ୍ ଜିତି ସ୍ୱିଆତେକ ପ୍ରତିପକ୍ଷ ଜାବିଉର୍ଙ୍କୁ ଅତିକ୍ରମ କରିଥିଲେ । ଏବେ ସେ ୩-୨ରେ ଆଗରେ ରହିଛନ୍ତି ।
About Author
