ଆଖି ବୁଜିଲେ ଏଲିଜାବେଥ୍
୯୬ ବର୍ଷରେ ଦେହାନ୍ତ, ବିଶ୍ୱବ୍ୟାପୀ ଶୋକ
ଲଣ୍ଡନ, ୮ ।୯: ବି୍ରଟେନ୍ର ମହାରାଣୀ ଏଲିଜାବେଥ୍ ଦ୍ୱିତୀୟ ଆଉ ନାହାନ୍ତି । ୯୬ ବର୍ଷ ବୟସରେ ଗୁରୁବାର ଭାରତୀୟ ସମୟ ରାତି ପ୍ରାୟ ୧୧ଟା ବେଳେ ସେ ସ୍କଟ୍ଲାଣ୍ଡର ବାଲ୍ମୋରଲ୍ କାସଲ୍ରେ ଶେଷ ନିଃଶ୍ୱାସ ତ୍ୟାଗ କରିଛନ୍ତି । ଲଣ୍ଡନସ୍ଥିତ ବକିଂହମ୍ରେ ପ୍ୟାଲେସ୍ ପକ୍ଷରୁ ମହାରାଣୀଙ୍କ ଦେହାନ୍ତ ସମ୍ପର୍କରେ ଘୋଷଣା କରାଯାଇଛି । ଶୁକ୍ରବାର ତାଙ୍କ ମରଶରୀରକୁ ବକିଂହମ୍ ପ୍ୟାଲେସ୍କୁ ଅଣାଯିବ ।
ବି୍ରଟେନ୍ ଇତିହାସରେ ସେ ସର୍ବାଧିକ କାଳ ରାଜତ୍ୱ କରିଆସିଥିଲେ । ତାଙ୍କ ପରଲୋକ ଖବରରେ ସମଗ୍ର ବି୍ରଟେନ୍ ଶୋକାକୁଳ ହୋଇପଡ଼ିଛି । ମହାରାଣୀଙ୍କ ଅନ୍ତେଷ୍ଟି ଏବଂ ରାଷ୍ଟ୍ରୀୟ ଶୋକ ଦିବସ ପାଳନ ସମ୍ପର୍କରେ ଖୁବ୍ ଶୀଘ୍ର ଘୋଷଣା କରାଯିବ ।
ଗୁରୁବାର ପ୍ୟାଲେସ୍ ପକ୍ଷରୁ ମହାରାଣୀଙ୍କ ସ୍ୱାସ୍ଥ୍ୟାବସ୍ଥା ସଙ୍କଟାପନ୍ନ, ତାଙ୍କୁ ମେଡିକାଲ୍ ସୁପର୍ଭିଜନ୍ରେ ରଖାଯାଇଛି ବୋଲି ବିବୃତି ଜାରି କରାଯିବା ପରେ ତାଙ୍କ ଉତ୍ତରାଧିକାରୀ ୭୩ ବର୍ଷୀୟ ପ୍ରିନ୍ସ ଚାର୍ଲସ୍ ଓ ଚାର୍ଲସ୍ଙ୍କ ଜ୍ୟେଷ୍ଠ ପୁତ୍ର ପି୍ରନ୍ସ ୱିଲିୟମ୍ (୪୦) ତଥା ପରିବାରର ଅଧିକାଂଶ ସଦସ୍ୟ ତୁରନ୍ତ ସ୍କଟ୍ଲାଣ୍ଡରେ ପହଞ୍ଚôଥିଲେ ଏବଂ ମହାରାଣୀଙ୍କ ପ୍ରିଭି କାଉନ୍ସିଲ୍ ବୈଠକକୁ ରଦ୍ଦ କରିଦିଆଯାଇଥିଲା ।
ମହାରାଣୀ ଗ୍ରୀଷ୍ମ ଅବକାଶରେ ସ୍କଟ୍ଲାଣ୍ଡର ବାଲ୍ମୋରଲ୍ କାସଲ୍ରେ ଜୁଲାଇରୁ ଅବସ୍ଥାନ କରିଆସୁଥିଲେ । ସେହିଠାରେହିଁ ତାଙ୍କର ଚିକିତ୍ସା ଚାଲିଥିଲା । ଗୁରୁବାର ସକାଳେ ମହାରାଣୀଙ୍କ ସ୍ୱାସ୍ଥ୍ୟ ଯାଞ୍ଚ ପରେ ଡାକ୍ତରମାନେ ଉଦ୍ବେଗ ପ୍ରକାଶ କରିଥିଲେ । ଏ ଖବର ପ୍ରସାରିତ ହେବା ପରେ କ୍ୟାଥୋଲିକ୍, ଇହୁଦି ଓ ମୁସଲିମ୍ ଧର୍ମଗୁରୁମାନେ ମହାରାଣୀଙ୍କ ଆଶୁ ଆରୋଗ୍ୟ କରି ପ୍ରାର୍ଥନା କରିଥିଲେ ।
ଗୁରୁବାର ବକିଂହମ୍ ରାଜପ୍ରାସାଦ ବାହାରେ ଅନେକ ପର୍ଯ୍ୟଟକ କାନ୍ଦି ପକାଇବା ଦେଖାଯାଇଥିଲା ।
ପ୍ୟାଲେସ୍ ପକ୍ଷରୁ ମହାରାଣୀଙ୍କ ସ୍ୱାସ୍ଥ୍ୟ ସମ୍ବନ୍ଧରେ କ୍ୱଚିତ୍ ବିବୃତି ଦିଆଯାଇଥାଏ । ଗତବର୍ଷ ମହାରାଣୀଙ୍କ ସ୍ୱାସ୍ଥ୍ୟାବସ୍ଥାରେ ଦ୍ରୁତ ଅବନତି ଘଟିବା ଦେଖି ବି୍ରଟେନ୍ର କେତେକ ମନ୍ତ୍ରୀ ଓ ଅଧିକାରୀ ମହାରାଣୀଙ୍କ ପରଲୋକ ପରେ ହେବାକୁ ଥିବା ଶୋକସଭାର ଗୁପ୍ତ ରିହର୍ସାଲ୍ କରିଥିଲେ । ଏହାର ନାମ ଦିଆଯାଇଥିଲା ‘କେନସଲ୍ ଡଭ୍’ । ବ୍ରିଟେନ୍ ଇତିହାସରେ ପ୍ରଥମ ଥର ପାଇଁ ରାଜପରିବାରର କୌଣସି ସଦସ୍ୟଙ୍କ ମୃତୁ୍ୟ ପୂର୍ବରୁ ଶୋକସଭା ପାଇଁ ଏଭଳି ପ୍ରାକ୍ ପ୍ରସ୍ତୁତି କରାଯାଇଥିଲା ।
୧୯୫୨ରେ ଏଲିଜାବେଥ୍ ଦ୍ୱିତୀୟ ମହାରାଣୀ ପଦରେ ଅଭିଷିକ୍ତ ହୋଇଥିଲେ ।
About Author
