ବେଆଇନ ବନ୍ଧକ ଗାଡି ଜବତ
ପୁଲିସର ରାତିଅଧିଆ ଚଢ଼ଉ
ମାହାଙ୍ଗା (ଆପ୍ର): ଭଦ୍ରେଶ୍ୱର ଅଞ୍ଚଳରେ ପୁଲିସର ଚଢାଉ ଫଳରେ ୫୦ରୁ ଊଦ୍ଧ୍ୱର୍ ବାଇକ, ଚାରିଚକିଆ ଯାନ ଏବଂ ଟ୍ରାକ୍ଟର ମାହାଙ୍ଗା ପୁଲିସ ଜବତ କରିଛି । ଏ ସମ୍ପର୍କରେ ଜଣକୁ ଅଟକ ରଖିଛି ପୁଲିସ । ସୂଚନା ଯେ, କୁଆଁପାଳ ନିକଟସ୍ଥ କାନପୁର ଅଞ୍ଚଳର ଜନୈକ ବ୍ୟକ୍ତି ଉମର ଅଞ୍ଚଳରେ ଘର ଭଡା ନେଇ ଦୀର୍ଘ ଦିନ ହେଲା ରହୁଥିଲେ । ଏପରିକି ଏହି ବ୍ୟକ୍ତିଙ୍କର ଏକ ଗ୍ୟାରେଜ ରହିଥିଲା । ବେଆଇନ ଭାବେ ବହୁ ସଂଖ୍ୟାରେ ଗାଡ଼ି ବନ୍ଧକ ରଖିଥିବା ଖବର ପାଇଥିଲା ପୁଲିସ । ସ୍ଥାନୀୟ ଅଞ୍ଚଳରେ ଚର୍ଚ୍ଚା ହେଉଛି ଯେ, ବ୍ୟକ୍ତି ଜଣକ ଦୀର୍ଘ ଦିନ ହେଲା ଗାଡ଼ି ବନ୍ଧକ ରଖିବା କାର୍ଯ୍ୟ ଚଳାଇ ଆସୁଥିଲେ । ଗୋଟିଏ ଗାଡିÿ ନମ୍ବରରେ ଦୁଇଟି ବୋଲର ରହିଥିବା ତଥ୍ୟକୁ ଆଧାର କରି ପୁଲିସ ଚଢାଉ କରିଥିବା ଚର୍ଚ୍ଚା ହେଉଛି । ଦୀର୍ଘଦିନ ଧରି ଭଦ୍ରେଶ୍ୱର ଫାଣ୍ଡି ଅଞ୍ଚଳରେ ଏଭଳି କାର୍ଯ୍ୟ ଚାଲୁଥିଲା ବେଳେ, ପୁଲିସ କିଭଳି ଏହାର ସୁରାକ ପାଇଲା ନାହିଁ । ଘଟଣାର ଖୋଳତାଡ କରାଗଲେ ବହୁ ତଥ୍ୟ ଲୋକ ଲୋଚନକୁ ଆସିପାରିବ ।
About Author
