ଅଡ଼ସପୁରରୁ ଭୁବନେଶ୍ୱର ଗଡ଼ିଲା ମୋ ବସ୍
କଣ୍ଟାପଡା (ଆପ୍ର) : ଅଡସପୁର ଉଦୟନାଥ ମହାବିଦ୍ୟାଳୟଠାରୁ ଭୁବନେଶ୍ୱରକୁ ଆଜି ମୋ ବସ୍ ସେବା ଆରମ୍ଭ ହୋଇଛି । ଏହାଦ୍ୱାରା ସାଧାରଣ ଲୋକ ଉପକୃତ ହେବା ତ ଦୁରର କଥା ଏହି ବସ୍ ସେବାକୁ ନେଇ ନିଆଳି ଅଞ୍ଚଳର ଦୁଇ ନେତାଙ୍କ ମଧ୍ୟରେ ସୋସିଆଲ ମିଡିଆରେ ଲଢେଇ ଆରମ୍ଭ ହୋଇଛି । ନିଆଳି ବିଧାୟକ ଡଃ ପ୍ରମୋଦ କୁମାର ମଲ୍ଲିକ ମୁଖ୍ୟମନ୍ତ୍ରୀ ନବୀନ ପଟ୍ଟନାୟକଙ୍କ ଫଟୋ ମାରି ନିଜେ ଶ୍ରେୟ ନେବାକୁ ଚେଷ୍ଟା କରୁଥିବା ବେଳେ ଏହାକୁ କାଉଣ୍ଟର କରିଛନ୍ତି ପୂର୍ବତନ ଜିଲ୍ଲାପରିଷଦ ତଥା ରାଜ୍ୟ ଯୁଗ୍ମ ସଂପାଦକ ପୁଲକ ମହାନ୍ତି । ବିଧାୟକ ପ୍ରଣବ ପ୍ରକାଶ ଦାସ ଓ ମୁଖ୍ୟମନ୍ତ୍ରୀ ନବୀନ ପଟ୍ଟନାୟକଙ୍କ ଫଟୋମାରି ଏହା କରିଛନ୍ତି ବୋଲି ସୋସିଆଲ ମିଡିଆରେ ଏବେ ଘୂରି ବୁଲୁଛି । ଏହି ଘଟଣା ଏବେ ନିଆଳି ନିର୍ବାଚନ ମଣ୍ଡଳୀରେ ଚର୍ଚ୍ଚାର ବିଷୟ ହୋଇଛି । ଉଭୟ ନେତା ବିଜୁ ଜନତାଦଳର ହୋଇଥିବା ବେଳେ ଦୁଇଜଣ ଦ୍ୱୀପାଞ୍ଚଳରୁ ଆସିଛନ୍ତି । ଏହିଦୁଇ ଜଣ ନେତାଙ୍କ ଲଢେଇ ଆଗାମୀ ୨୦୨୪ ନିର୍ବାଚନରେ ଶୁଭଙ୍କର ନୁହେଁ ବୋଲି ବୁଦ୍ଧିଜିବୀ ମହଲରେ ଆଲୋଚନା ହେଉଛି । ପ୍ରକୃତ ସତ୍ୟ ଦେଖିବାକୁ ଗଲେ ୫ଟି ସଚିବ ଓଲଟପୁର ଆସିଥିବା ବେଳେ ମୋ ବସ୍ ସେବା ଅଡସପୁର ଆସିବ ବୋଲି ପ୍ରତିଶ୍ରୁତି ଦେଇଥିଲେ । ଏହି ଶ୍ରେୟ ମୁଖ୍ୟମନ୍ତ୍ରୀ ନବୀନ ପଟ୍ଟନାୟକଙ୍କର ବୋଲି ଅଞ୍ଚଳବାସୀ କହୁଛନ୍ତି ।
About Author
