କଲମଛାଡ଼ରେ ସାମିଲ ହେଲେ ଅନ୍ୟ ଅଫିସ୍ କର୍ମଚାରୀ
ମହିଳା ଜେଇଙ୍କୁ ଦୁର୍ବ୍ୟବହାର
ନିଆଳି (ଆପ୍ର): ନିଆଳି ବ୍ଲକ୍ କାର୍ଯ୍ୟାଳୟର ମହିଳା କନିଷ୍ଠଯନ୍ତ୍ରୀଙ୍କୁ ଅସଦ୍ ବ୍ୟବହାର କରିଥିବା ଘଟଣାରେ ଅଭିଯୁକ୍ତ ସେଖ୍ ହସନ୍କୁ ଗିରଫ ଦାବି କରି ନିଆଳି ବ୍ଲକ୍ କର୍ମଚାରୀମାନଙ୍କ ଅନିର୍ଦ୍ଧିଷ୍ଟ କାଳ ପର୍ଯ୍ୟନ୍ତ କଲମ ଛାଡ଼ ଆନେ୍ଦାଳନ ଜାରି ରହିଛି । ଏହି ଦାବିକୁ ସମର୍ଥନ ଜଣାଇ ଆଜି ନିଆଳି ତହସିଲ୍ କାର୍ଯ୍ୟାଳୟରେ ତହସିଲ୍ କାର୍ଯ୍ୟାଳୟର କର୍ମଚାରୀ ମାନେ ଏହି ଘଟଣାକୁ ସମର୍ଥନ ଜଣାଇ ତୁରନ୍ତ ଅଭିଯୁକ୍ତକୁ ଗିରଫ ଦାବିରେ ତହସିଲ କାର୍ଯ୍ୟାଳୟ ସମ୍ମୁଖରେ କଲମଛାଡ଼ ଆନେ୍ଦାଳନ କରିଥିବା ଜଣାଯାଇଛି । ସେହିପରି ନିଆଳି ବ୍ଲକ୍ ମହିଳା ଓ ଶିଶୁ ବିକାଶ କାର୍ଯ୍ୟାଳୟର କର୍ମଚାରୀ ମାନେ ବ୍ଲକ୍ କର୍ମଚାରୀ ମାନଙ୍କ ସହ କଲମଛାଡ଼ ଆନେ୍ଦାଳନରେ ସାମିଲ ହୋଇଥିବା ବେଳେ ନିଆଳି ଉପନିବନ୍ଧକଙ୍କ କାର୍ଯ୍ୟାଳୟର କର୍ମଚାରୀ ମାନେ କଲମଛାଡ଼ ଆନେ୍ଦାଳନରେ ସାମିଲ ହୋଇଥିବା ଜଣାଯାଇଛି । ଗତ ବୁଧବାର ଦିନ ବ୍ଲକ୍ର କନିଷ୍ଠ ମହିଳା ଯନ୍ତ୍ରୀ ରୋଜାଲିନ୍ ସେଠୀ ନିଜ ପ୍ରକୋଷ୍ଠରେ ବସି କାର୍ଯ୍ୟ କରୁଥିବା ସମୟରେ ନୂଆଗାଁ ପଞ୍ଚାୟତ ମଝିଖଣ୍ଡ ବସ୍ତିର ସେଖ୍ ହସନ୍ ତାଙ୍କ କାର୍ଯ୍ୟାଳୟରେ ଜୋର ଜବରଦସ୍ତ ପସି ସରକାରୀ କାଗଜପତ୍ର ଚିରାଚିରି କରିବା ସହ ଅସଦ ବ୍ୟବହାର କରିଥିଲେ । ଏନେଇ ନିଆଳି ଥାନାରେ ମାମଲା ରୁଜୁ ହୋଇଥିବା ବେଳେ ଅଭିଯୁକ୍ତ ଫେରାର ଥିବା ଜଣାଯାଇଛି ।
About Author
