ଖସିଲା ଅତଡ଼ା, ଅଟକିଲା ଟ୍ରେନ୍
ରାୟଗଡା, ୧୪ା୮(ଆପ୍ର): ଲଗାଣ ବର୍ଷା ଯୋଗୁଁ ରେଳ ଧାରଣାରେ ଖସିଲା ପଥର । ରାୟଗଡା-କୋରାପୁଟ ରେଳପଥର ଭାଲୁମୁସ୍କା ଷ୍ଟେସନ ନିକଟ ରେଳ ଧାରଣାରେ ପଥର ଖସିବା ଫଳରେ ମାଲବାହୀ ଟ୍ରେନ୍ ଟନେଲ ଭିତରେ ଫସି ରହିଛି । ରବିବାର ଅପରାହ୍ଣରେ ଏହି ଘଟଣା ଘଟିଥିବାବେଳେ ଏଥିରେ କିଛି ବିଶେଷ କିଛି କ୍ଷୟକ୍ଷତି ହୋଇନି । ଟ୍ରେନ୍ ଟ୍ରାକ୍ ଚେକିଂ ନିମନ୍ତେ ବିଭାଗୀୟ ଅଧିକାରୀ ଓ କର୍ମଚାରୀ ପହଞ୍ଚôଛନ୍ତି । ସେହିପରି ୩୪ନଂ ଟନେଲ ଶିକରପାଇ ଷ୍ଟେସନ ନିକଟରେ ମାଟି ଅତଡ଼ା ଓ ଗଛ ପଡ଼ିଥିବାରୁ କୋରାପୁଟ-ରାୟଗଡ଼ା ରେଳପଥରେ ପ୍ରାୟ ୩ ଘଣ୍ଟା ଗମନାଗମନ ବାଧାପ୍ରାପ୍ତ ହୋଇଛି । ଜଗଦଲପୁର-କୋଲକତା ଯାଉଥିବା ସମଲେଶ୍ୱରୀ ଟ୍ରେନ ସିକରପାଇ ରେଳ ଷ୍ଟେସନ ନିକଟରେ ଅଟକିଥିବା ନଜରକୁ ଆସିଛି । ସୂଚନାଯୋଗ୍ୟ, ପ୍ରବଳ ବର୍ଷା ଯୋଗୁଁ ପାହାଡ଼ରୁ ପଥର ଓ ମାଟି ଅତଡ଼ା ଖସୁଥିବାରୁ ପାହାଡ଼ିଆ ଅଞ୍ଚଳରେ ଟ୍ରେନ୍ ଯାତାୟତ ପ୍ରତି ବିପଦ ଠିଆ ହୋଇଛି ।
About Author
