ଓଡ଼ିଶା ରେଡ୍ ଓ ଭାଓଲେଟ୍ ଯୁଗ୍ମ ବିଜେତା
ଓଡ଼ିଶା ମହିଳା ଟି-୨୦ କ୍ରିକେଟ୍ ୨୦୨୨
କଟକ, ୧୧ା୮ (ବୁ୍ୟରୋ): ଟାଙ୍ଗୀସ୍ଥିତ ଡ୍ରିମ୍ସ କ୍ରିକେଟ୍ ଗ୍ରାଉଣ୍ଡରେ ଚାଲିଥିବା ବାଇଜୁ ଓଡ଼ିଶା ମହିଳା ଟି-୨୦ କ୍ରିକେଟ୍ ୨୦୨୨ ଗୁରୁବାର ଉଦ୍ୟାପିତ ହୋଇଯାଇଛି । ଏଥିରେ ମୋଟ୍ ପାଞ୍ଚ ଟିମ୍ ଅଂଶଗ୍ରହଣ କରିଥିଲେ । ଓଡ଼ିଶା ରେଡ୍ ଓ ଓଡ଼ିଶା ଭାଓଲେଟ୍ଙ୍କୁ ଯୁଗ୍ମ ବିଜେତା ଘୋଷଣା କରାଯାଇଛି ।
ଓଡ଼ିଶା ରେଡ୍ ଓ ଭାଓଲେଟ୍ ଟିମ୍ ଫାଇନାଲ୍କୁ ଉନ୍ନୀତ ହୋଇଥିଲେ । ତେବେ ବର୍ଷା ଜନିତ ପ୍ରତିକୂଳ ପାଗ ଯୋଗୁଁ ଫାଇନାଲ୍ ମ୍ୟାଚ୍ ଖେଳାଯାଇପାରି ନ ଥିଲା ।
ଉଦ୍ୟାପନୀ ଉତ୍ସବରେ ପୁଲିସ୍ କମିଶନର (ଭୁବନେଶ୍ୱର ଓ କଟକ) ସୌମେନ୍ଦ୍ର କୁମାର ପ୍ରିୟଦର୍ଶୀ ମୁଖ୍ୟ ଅତିଥି ଓ ଡ୍ରିମ୍ସର ଅଧ୍ୟକ୍ଷ ପ୍ରମୋଦ ଚନ୍ଦ୍ର ରଥ ସମ୍ମାନିତ ଅତିଥି ଭାବେ ଯୋଗ ଦେଇଥିଲେ । ଏହି ଅବସରରେ ଓଡ଼ିଶା କ୍ରିକେଟ୍ ଆସୋସିଏସନ୍ର ସଭାପତି ପଙ୍କଜ ଲୋଚନ ମହାନ୍ତି, ଯୁଗ୍ମ ସମ୍ପାଦକ ମେହତାବ ଖାଁ ଓ କୋଷାଧ୍ୟକ୍ଷ ବିକାଶ ପ୍ରଧାନ ଉପସ୍ଥିତ ଥିଲେ ।
ସୁଶ୍ରୀ ଦିବ୍ୟଦର୍ଶିନୀ ପ୍ଲେୟାର୍ ଅଫ୍ ଦ ସିରିଜ୍, ଜିଏମ୍ ଅଳକାନନ୍ଦ ଏମର୍ଜିଂ ପ୍ଲେୟାର୍ ଅଫ୍ ଦ ସିରିଜ୍, କାଜଲ ଜେନା ବେଷ୍ଟ ବ୍ୟାଟର୍ ଅଫ୍ ଦ ସିରିଜ୍, ରସନାରା ପରବିନ ବେଷ୍ଟ ବୋଲର୍ ଅଫ୍ ଦ ସିରିଜ୍ ଏବଂ ଶ୍ରେୟା ପ୍ରିୟଦର୍ଶିନୀ ୟଙ୍ଗେଷ୍ଟ ଟ୍ୟାଲେଣ୍ଟ୍ ଅଫ୍ ଦ ସିରିଜ୍ ପୁରସ୍କାର ଜିତିଥିଲେ ।
About Author
