ସିଟି ରୋଡ୍ରେ ଅଘଟଣ: ମ୍ୟାନ୍ହୋଲ୍ ବ୍ଲାଷ୍ଟ୍
ପୁରୀ (ବୁ୍ୟରୋ): ବୁଧବାର ସିଟି ରୋଡ୍ରେ ଏକ ଅଘଟଣ ଘଟିଛି । ଉକ୍ତ ରାସ୍ତାରେ ଏକ ମ୍ୟାନ୍ ହୋଲ୍ ବ୍ଲାଷ୍ଟ ହେବାରୁ ମ୍ୟାନ୍ହୋଲ୍ ଉପରେ ପଡ଼ିଥିବା ଚାମ୍ବରଟି ଉପରକୁ ଉଠିବା ସହ ମାଟି ମଧ୍ୟ ଉପରକୁ ଉଠିଥିଲା । ଫଳରେ ବ୍ଲାଷ୍ଟର ଶବ୍ଦ ଏତେ ଜୋର୍ରେ ଥିଲା ଯେ ସ୍ଥାନୀୟ ଲୋକେ ଆତଙ୍କିତ ହୋଇଥିଲେ । ଏଭଳି ଘଟଣାରେ କୌଣସି କ୍ଷୟକ୍ଷତି ହୋଇ ନ ଥିବାବେଳେ ଅଳ୍ପକେ ବର୍ତ୍ତି ଯାଇଛନ୍ତି ସ୍ଥାନୀୟ ବାସିନ୍ଦା । ମାତ୍ର ଏ ସମ୍ପର୍କରେ ସମୁଦ୍ରକୂଳ ଥାନାଧିକାରୀ ଚିନ୍ମୟ କୁମାର ରାଉତଙ୍କୁ ପଚାରିବାରେ, ଘଟଣା ସମ୍ପର୍କରେ ମୋ ପାଖରେ ଖବର ନାହିଁ । ଥାନାଧିକାରୀଙ୍କ ଅଞ୍ଚଳରେ ଏକ ଅଭାବନୀୟ ଘଟଣା ଘଟିଥିବା ବେଳେ ତାଙ୍କ ନିକଟରେ ଖବର ନ ଥିବା ଅତ୍ୟନ୍ତ ଦୁର୍ଭାଗ୍ୟଜନକ ଘଟଣା । କେଉଁ କାରଣରୁ ମ୍ୟାନ୍ହୋଲ୍ ବ୍ଲାଷ୍ଟ ହେଲା ତାହା ଜଣାପଡ଼ି ନାହିଁ ।
ଖବର ନେବାରୁ ଜଣାଯାଇଛି, ଉକ୍ତ ମ୍ୟାନ୍ହୋଲ୍ରୁ ସ୍ଥାନୀୟ ବାସିନ୍ଦା ପର୍ଶୁରାମ ସାମନ୍ତରାୟଙ୍କ ଘରକୁ ପାଇପ୍ ସଂଯୋଗ ହୋଇଛି । ତାଙ୍କ ଘରେ ଉକ୍ତ ପାଇପ୍ରୁ ନିଅାଁ ବାହାରିବାକୁ ସେମାନେ ପାଣି ଢାଳିଥିଲେ । କିଛି ସମୟ ପରେ ମ୍ୟାନ୍ହୋଲ୍ରେ ବ୍ଲାଷ୍ଟ ହୋଇଥିଲା । ତେବେ ତଦନ୍ତ ପରେ ବ୍ଲାଷ୍ଟର ପ୍ରକୃତ କାରଣ ଜଣାପଡ଼ିବ ।
About Author
