୮୨.୧% ପରୀକ୍ଷାର୍ଥୀ ପାସ୍
+୨ କଳା ଓ ଧନ୍ଦାମୂଳକ ପରୀକ୍ଷା ଫଳ ପ୍ରକାଶ
ଭୁବନେଶ୍ୱର, ୮ା୮(ବୁ୍ୟରୋ): ଘୋଷଣା ହେଲା ଯୁକ୍ତ ଦୁଇ କଳା ଓ ଧନ୍ଦାମୂଳକ ପରୀକ୍ଷା ଫଳ । ଙ୍ଗଙ୍ଗଙ୍ଗ.କ୍ଟୟସଗ୍ଦଷବକ୍ସରଗ୍ଦଙ୍କକ୍ଷଗ୍ଧଗ୍ଦ.ଦ୍ଭସମ.ସଦ୍ଭରେ ପରୀକ୍ଷା ଫଳ ଦେଖି ପାରିବେ ଛାତ୍ରଛାତ୍ରୀ । ଉଚ୍ଚ ମାଧ୍ୟାମିକ ପରିଷଦ କାର୍ଯ୍ୟାଳୟରେ ପରୀକ୍ଷା ଫଳ ଘୋଷଣା ହୋଇଛି । ଚଳିତ ବର୍ଷ ୨ ଲକ୍ଷ ୧୩ ହଜାର ୪୩୨ ଜଣ କଳା ଛାତ୍ରଛାତ୍ରୀ ପରୀକ୍ଷା ଦେଇଥିଲେ । ଚଳିତ ବର୍ଷ ମୋଟ ୮୨.୧୦% ଛାତ୍ରଛାତ୍ରୀ କଳାରେ ପାସ୍ କରିଛନ୍ତି । ୧୭୭ ଛାତ୍ରଛାତ୍ରୀ ୯୦ ପ୍ରତିଶତରୁ ଅଧିକ ମାର୍କ ରଖିଛନ୍ତି । କୌଣସି ସ୍କୁଲ୍ରେ ବି ଶୂନ ରେଜଲ୍ଟ ହୋଇନାହିଁ । ଏହି କ୍ରମରେ ୨୮ଟି ଉଚ୍ଚମାଧ୍ୟାମିକ ସ୍କୁଲ୍ରେ ଶତ ପ୍ରତିଶତ ଛାତ୍ରଛାତ୍ରୀ ପାସ୍ କରିଛନ୍ତି । ମୋଟ ୧ ଲକ୍ଷ ୭୧ ହଜାର ୨୮୮ ଛାତ୍ରଛାତ୍ରୀ କଳା ବିଭାଗରେ ଉତ୍ତୀର୍ଣ୍ଣ ହୋଇଛନ୍ତି ।
ରେଜଲ୍ଟ ସମ୍ପର୍କିତ ସୂଚନା ପାଇଁ ଛାତ୍ରଛାତ୍ରୀ ୦୬୭୪୨୩୦୧୦୯୮ ହେଲ୍ପଲାଇନ୍କୁ କଲ୍ କରି ପାରିବେ । ମୋଟ ପାସ୍ ଛାତ୍ରଛାତ୍ରୀଙ୍କ ମଧ୍ୟରେ ପ୍ରଥମ ଶ୍ରେଣୀରେ ୬୨ ହଜାର ୭୩୪ ଜଣ ପାସ୍ କରିଛନ୍ତି । ସେହିଭଳି ଦ୍ୱିତୀୟ ଓ ତୃତୀୟ ଶ୍ରେଣୀରେ ଯଥାକ୍ରମେ ୪୧ ହଜାର ୧୯୩ ଓ ୬୭ ହଜାର ୩୪୧ ଜଣ ପାସ୍ କରିଛନ୍ତି । ଛାତ୍ରଙ୍କଠାରୁ ଛାତ୍ରୀଙ୍କ ପାସ୍ହାର ଅଧିକ ରହିଛି । ୭୫.୦୮% ଛାତ୍ର ପାସ୍ କରିଥିବା ବେଳେ ୮୭.୧୦ ପ୍ରତିଶତ ଛାତ୍ରୀ ପାସ୍ କରିଛନ୍ତି । ଖୋର୍ଦ୍ଧା ଜିଲ୍ଲାରେ ସର୍ବାଧିକ କଳା ଛାତ୍ରଛାତ୍ରୀ ପାସ୍ କରିଛନ୍ତି । ନବରଙ୍ଗପୁର ଜିଲ୍ଲାରେ ସର୍ବନିମ୍ନ କଳା ବିଭାଗ ଛାତ୍ରଛାତ୍ରୀ ପାସ୍ କରିଛନ୍ତି । ସନ୍ଧ୍ର୍ୟା ୫ଟା ପରେ ପ୍ରତ୍ୟେକ ଛାତ୍ରଛାତ୍ରୀଙ୍କ ରେଜଲ୍ଟ ୱେବ୍ସାଇଟ୍ରେ ଉପଲବ୍ଧ ହେବ ୟ ଉଚ୍ଚ ମାଧ୍ୟାମିକ ପରିଷଦ ଅଧ୍ୟକ୍ଷ ଅଶ୍ୱିନୀ ମିଶ୍ର ଯୁକ୍ତଦୁଇ ଫଳ ପ୍ରକାଶ କରିଛନ୍ତି ।
ଧନ୍ଦାମୂଳକ ବିଭାଗରେ ୭୦.୩୫ ପ୍ରତିଶତ ଛାତ୍ରଛାତ୍ରୀ ଉତ୍ତୀର୍ଣ୍ଣ ହୋଇଛନ୍ତି । ଚଳିତ ବର୍ଷ ଏହି ବିଭାଗରେ ମୋଟ ୫ ହଜାର ୬୭୩ ଜଣ ପରୀକ୍ଷା ଦେଇଥିଲେ । ସେମାନଙ୍କ ମଧ୍ୟରୁ ମୋଟ ୩୯୯୧ ଛାତ୍ରଛାତ୍ରୀ ପାସ୍ କରିଛନ୍ତି । ସେମାନଙ୍କ ମଧ୍ୟରେ ୧୯୮୨ ଛାତ୍ର ସାମିଲ ରହିଥିବାବେଳେ ୨୦୦୯ ଛାତ୍ରୀ ରହିଛନ୍ତି । ଏଥିରେ ମଧ୍ୟ ଛାତ୍ରୀଙ୍କ ପାସ୍ ହାର ଛାତ୍ରଙ୍କଠାରୁ ଅଧିକ ରହିଛି । ଛାତ୍ରୀଙ୍କ ପାସ୍ ହାର ୩୪.୯୪ ରହିଥିବା ବେଳେ ଛାତ୍ରଙ୍କ ପାସ†ାର ୩୫.୪୧ ରହିଛି । ମୋଟ ପାସ୍ ଛାତ୍ରଛାତ୍ରୀଙ୍କ ମଧ୍ୟରେ ପ୍ରଥମ ଶ୍ରେଣୀରେ ୧୮୮୯ ଛାତ୍ରଛାତ୍ରୀ ପାସ୍ କରିଛନ୍ତି । ଦ୍ୱିତୀୟ ଶ୍ରେଣୀରେ ୫୩୮ ଓ ତୃତୀୟ ଶ୍ରେଣୀର ୧୬ ଜଣ ପାସ୍ କରିଛନ୍ତି । ଏହାପୂର୍ବରୁ ଗତ ଜୁଲାଇ ୨୭ ତାରିଖରେ ବିଜ୍ଞାନ ଓ ବାଣିଜ୍ୟ ବିଭାଗର ପରୀକ୍ଷା ଫଳ ପ୍ରକାଶ ପାଇଥିଲା । ବିଜ୍ଞାନରେ ୮୯% ଛାତ୍ରଛାତ୍ରୀ ପାସ୍ କରିଥିବାବେଳେ ବାଣିଜ୍ୟରେ ୯୪ ପ୍ରତିଶତରୁ ଅଧିକ ଛାତ୍ରଛାତ୍ରୀ ଉତୀର୍ଣ୍ଣ ହୋଇଛି । ଛାତ୍ରଛାତ୍ରୀଙ୍କ ପରୀକ୍ଷା ଖାତାରେ ଦୁଇଟି ଢାଞ୍ଚାରେ ମୂଲ୍ୟାୟନ ହୋଇଛି ।
About Author
